影片
以上资料只供参考，请与餐厅确认详情
虽然呢间酒楼旧旧地，而且又多老人家去，不过其实真系几抵食。去𠮶啲商场新装修大酒楼当然光鲜啲，不过价钱贵之余，都唔包一定味道超好。反而呢啲做街坊生意嘅，平嘅同时味道又过得去。平日一有时间就会同屋企人去呢到食晏或下午茶，就算成日去都唔会负担重。平日有较多嘅特价优惠点心同饭/粉，好抵食，味道唔会太差。普通嘅 金钱肚 、凤爪、山竹牛肉 都几正常，而且算入味。 排骨 - 就有时肥肉部分有啲多。潮州粉果 - 皮薄通透，好易一夹就穿，馅料好香。 咸水角 - 同样馅料香，好食。皮蛋瘦肉粥 - 好绵。鸭脚扎 - 就要等较耐时间，通常都系其他嘢食晒，最迟至黎。虾肠 - 皮唔算太薄，不过亦未至于厚到好难食，每条有2大只弹牙大虾仁。炸BB乳鸽 - 十几廿蚊就有一只，一般般，有时炸到过咗少少，颜色好深。有时又炸得皮唔够脆，不过次次都热辣辣上枱的。牛栢叶 - 味道几好，系切得大嚿咗少少，连垫底嘅萝卜粒都好味，𠮶汁捞饭食一流。特价烧味饭 - 平得黎，份量都可以接受，唔错。不过如果拣烧味米线的话，好明显个米线无咁好味。最推介系 药膳鸡脚 - 味道好好，药材味又够，鸡脚够「林」够入味，我食亲都饮清啲汤汁。
继续阅读
月头用突晒, 月尾真系难挨.......粗粗地, 整番个烧味饭盒.是日晚餐:- :叉鸡饭 + 7up半肥瘦叉烧, 差不多有5~6件, 抵食!!鸡就差d, 个皮好肥, 又冇乜用, 又少...d饭太多, 食唔晒.普通一个烧味饭都24蚊, 双拚都26蚊.而加18蚊仲有埋7喜添~~~但系味道就退步左d..
继续阅读
一家人去食中秋饭,我地点佐个龙虾餐. 先上佐碟乳猪半只. 我地12人一人得一件!龙虾'肉都好好味,但系个面就唔可以接受!个翅好一般,不过ok啦...条鱼好熟,蒸得太耐,好"鞋"餐写鲍片,其实系螺片,不过d鹅掌就好腍同埋好入味!荷叶饭我就无食,不过d人话唔好食总之一句.意想不到唔好食!仲有d忌廉好似药水咁,真系不可接受!仲好贵架!
继续阅读
明知中秋正日去酒楼食饭实贵,于是一家人就提早食啦. 订位时以经问定酒楼有无平日食开既特价菜.佢话有味上去食啦. 点知一到酒楼睇见菜牌全部都系套餐.于是问个部长.佢话假期前一日无特假菜.无计啦!佢话无,我都无佢符.唔通走人咩! 不过套餐价钱唔系好贵! 我地点佐个龙虾餐. 先上佐碟乳猪半只. 我地12人一人得一件.而且有d人话好咸.有d话o.k.我好鬼好奇够唔够半只.同埋系咪砌落去.龙虾'肉有d梅.个翅好似食豆粉献. 好难食条鱼好"鞋"果餐写鲍片,其实系螺片总之一句..好难食. 不过谂深一层.个餐有乳猪,龙虾,海班,鸡.鱼翅,瑶柱甫.炒面,荷叶饭.糖水. 仲包6罐汽水.6罐啤酒. 包加一. 只系$1,993. 你想人地比咩你食呀. (千其唔好饮忌廉.好似药水咁)
继续阅读
14个人叫左套餐..好似1300几..有半只乳猪拼海"折"..ok啦..乳猪都系脆既..芝士虾焗伊面..d虾有d"梅"同埋唔系好够芝士..冬菇鲍鱼..同意下面位食家既讲法..d冬菇唔入味仲好硬的..不过垫底既生菜几好..龙"等"两味..炒既系用腩位..好嫩,最好食..蒜蓉蒸系用头..多骨左d..不过都ok既..炸子鸡?..我都唔知系咪..不过几好食,肉都算嫩..但系卡路里超晒标..好多油寿包,荷叶饭都无食..不过荷叶饭一打开就好香..仲有红豆沙
继续阅读