黑木亭居酒屋 (金馬倫道)

本來打算同朋友兩個人一齊慶祝生日，所以十日前已經訂定位，今日去個陣近7點鐘，點知一入到去就被招呼去坐中間個行既位，又近廚房位，d人係你身邊出出入入，地方又迫又窄，明明一早訂左位，個場仲有好多位，點解要招呼我地坐d甘既位呢？甘我訂位又有乜意思呢，一路睇menu，一路就覺得不憤，又迫，突然見到隔離枱有對情侶又係坐睇左，之後覺得唔岩食，所以拎袋走人。我同個frd見狀又拎袋走埋一份。因為我覺得一早訂位就係希望有位同舒服dd姐，加上食生日飯都唔打算睇錢叫野食，想叫就叫，但係又諗到一陣叫野食連位都放唔落既時候，就覺得何必比錢搵難受😣，加上尖沙咀大把野食，根本就唔怕無得食，所以起身走人係岩既，最後轉陣去左食韓國菜食韓燒，地方寬敞野食ok，更加覺得決定無錯，呢間野請我都唔會再去。