和歌山 (已結業)

最近阿女成日上呢個網, 話有得搵餐廳, 又有寫食評, 我又試下啦今日食左餐日本野呀, 唔錯, 上黎試下寫評語, 各位多多指教!同個ifc番工的老友食晏, 由於時間關係, 老友話係ifc食就算行過間日本野, 叫和歌山, 有拉麵同埋定食, 就試下唔錯喎!兩個人食, 叫左個海幸刺身飯, 一本豬軟骨鰹魚湯拉麵(個野食名大約係咁, 唔係好記得)仲有一個餃子個刺身飯真係好抵讚! 又靚! 十幾塊唔同刺身銷住個飯, 中間隻蝦好鮮甜我個人就唔太鐘情拉麵, 所以無食, 淨係飲左啖鰹魚湯, 果然同出面普通湯底好唔同!老友都讚個湯底好, 拉麵就無乜驚喜正正常常, 豬軟骨再大舊少少更好喎咁我諗喜歡拉麵的朋友都應該要去試下個湯底,最失分就係個餃子, 味道賣相都唔得喎, 唔食仲好, 食左扣分,總括黎講, 呢餐都有80分, 下次豪一次, 帶埋阿女黎食刺身飯, 佢應該會好開心不過真心講句, 服務的主動性有待改善, 而且價錢平番少少好囉, 拉麵定食價錢都可以接受, 個刺身飯2xx好貴呀!