係疫情影響下，美林商場已不復之前既人流，路過地下街鋪既時候突然見到手作功夫茶！
近年係香港手作功夫茶可以話係冒氣得最快既手搖式飲品之一，其分店數量之多相信大家都十分清楚，差唔多變成
7-11一樣緊有一間在你身邊，而身邊朋友亦都對佢紛紛作出好評，但筆者卻從來未試飲過。
今日難得有機會就試下佢！
首先我點做一份鐵觀音珍珠奶茶，價錢方面都好抵，$24蚊一杯，相信依家係市面上都好難搵到，另外我加左一份蒟蒻，筆者鐘意飲既時候
有一種滿口配料既感覺，店員亦都好貼心問你需唔需要調整甜度和冰度，由於疫情情況下，人流亦唔算很多，等左幾杯大約5分鐘就搞掂！
飲落去第一啖會覺得滿滿的珍珠同埋蒟蒻，感覺好幸福，另外鐵觀音同埋奶茶既口味亦都分明，唔會喧賓奪主！係另有一份台式飲品既風味！
另外蒟蒻亦都十分爽口同埋足料，配料多到另到筆者食到個口都累！不過略嫌一下就係奶茶即使揀左30%糖分後，仍然覺得有小小舔!
總結一下，無論價錢或者係味道同埋分量上，都比其他奶茶鋪有過之而無不及，亦難怪點解佢地近呢兩年可以大肆開分店！
