手作功夫茶 (美林商場) (已結業)

趁住今日放假去朋友屋企玩咁開心，咁岩又見到有功夫tea，所以就買左杯珍奶🧋上去。上次飲完功夫既鐵觀音珍珠奶茶之後真係覺得佢性價比好高，唔洗$30有一大杯珍奶，而且味道仲唔錯添！於是今日即管試吓其他味道。3Q奶茶 ($28)3Q包括珍珠、蒟蒻同埋仙草，我叫左半糖少冰，所以甜度適中，唔會太甜👌🏻 奶同茶mix得幾好，茶味香之餘又唔會苦澀，都幾滑溜。配料真係落足料，大概有1/3杯都係配料😍 珍珠煙煙韌韌，咬落有黑糖味但唔會太甜，軟硬大小同份量都適中👍🏻 至於蒟蒻同仙草軟綿綿，令整體飲落更有口感。

👧🏻又到飲廢水既時間~-手作功夫茶總有一間係附近既感覺🤣好多屋邨既商場都有一間 好方便👍🏻🧋(凍) 38奶霸 $27叫左少甜少冰🙆🏼‍♀️ 味道唔錯🤤 而38奶霸好足料👍🏻除左珍珠呢d基本野 仲有仙草同蒟蒻🤤煙韌控一定要試下❤️🧋(凍) 鐵觀音珍珠奶茶 $26朋友都係叫左少甜少冰💁🏻‍♀️鐵觀音茶味幾香濃 即使叫左少甜 但覺得有d偏甜🧐另外珍珠都幾煙韌🤭📍手作功夫茶 @大圍美林邨美林商場地下102號鋪

今日因為工作關係過左去美林商場行左一轉。係疫情影響下，美林商場已不復之前既人流，路過地下街鋪既時候突然見到手作功夫茶！近年係香港手作功夫茶可以話係冒氣得最快既手搖式飲品之一，其分店數量之多相信大家都十分清楚，差唔多變成7-11一樣緊有一間在你身邊，而身邊朋友亦都對佢紛紛作出好評，但筆者卻從來未試飲過。今日難得有機會就試下佢！首先我點做一份鐵觀音珍珠奶茶，價錢方面都好抵，$24蚊一杯，相信依家係市面上都好難搵到，另外我加左一份蒟蒻，筆者鐘意飲既時候有一種滿口配料既感覺，店員亦都好貼心問你需唔需要調整甜度和冰度，由於疫情情況下，人流亦唔算很多，等左幾杯大約5分鐘就搞掂！飲落去第一啖會覺得滿滿的珍珠同埋蒟蒻，感覺好幸福，另外鐵觀音同埋奶茶既口味亦都分明，唔會喧賓奪主！係另有一份台式飲品既風味！另外蒟蒻亦都十分爽口同埋足料，配料多到另到筆者食到個口都累！不過略嫌一下就係奶茶即使揀左30%糖分後，仍然覺得有小小舔!總結一下，無論價錢或者係味道同埋分量上，都比其他奶茶鋪有過之而無不及，亦難怪點解佢地近呢兩年可以大肆開分店！

📍手作功夫茶 ，大圍 Taiwai大圍越黎越多新鋪頭。開到連台式飲品店都有幾間😂😂依間手作功夫茶有好多分店 ，唔駛一定要入到黎大圍先有得飲第一次飲都有驚喜唔錯👍🏻波霸錫蘭紅茶鮮奶 $28珍珠幾有咬口但唔會太韌😆 奶茶飲落都幾滑。珍珠黑糖味都幾重, 如果驚太甜建議飲品轉無糖/少糖熱飲溫度適中,  飲晒成杯500 ml 都幾飽😂😂試業期間唔係所有款式都有供應, 見MENU 都有幾多選擇