香港茶餐廳 (已結業)

見到食評，個個都讚好，所以特登去銅鑼灣試下。是日晚上7點30分，到門口時，見店內只得兩三枱客，已心知不妙，但一心嚟試，就入去試下，兩個人叫左兩個套餐：海南雞飯套餐：餐牌寫明無骨海南雞，老火湯，油飯，酸菜，餐飲 - $55 (凍飯加$3)，價錢尚算可以。先嚟個例湯，嘩。。。好咸，除左咸味，完成無其他老火湯味。之後期待嘅海南雞，全碟得五件雞，仲要皮多個肉。油飯，同白飯無分別，除左啲飯係黄少少之後，食吾出係油飯囉。餐飲叫左個凍檸茶，同一般茶餐一樣，冰多過茶。𠵱。。。酸菜呢？以為啲雞遮住，但係係無。。。失踪。芝士海鮮伊麵 (大約記得個名) (加凍飲共$67)：叫海鮮伊麵，但點解咁多魷魚鬚，蝦仔得兩三舊，同一件青口。。。一睇就知出事，我係吾食得魷魚架。我叫海鮮伊麵，係預左有少少魷魚，但吾係成碟都係魷魚。依個吾係餐，所以如果加飲品就要加$5(熱飲)，$7(凍飲)，最後叫左凍檸茶，同一樣，冰多過茶。一般兩個餐應該係足夠兩個人食，而且我同男友都吾算係大食嘅人，但點解食完後，回到家竟然會肚餓。係我哋大食左，定係個餐真係細碟。。。唉。。。。總之就係 - 第一次都係最後一次，無機會再去。