赤丸製麵所 (已結業)

前言: 我男朋友早幾日睇左本雜誌話有間店舖D 烏冬好好食，仲好抵食tim~身為烏冬狂迷既我，就梗係急不及待一有時間就同男朋友去試0下啦~ ^^0係25/4我同佢就專登去左apm 度食喇~排隊大約排左45mins 度，就有位喇~ 我地一共叫左...冷烏冬(加大) = 好好味呀!! 烏冬好彈牙又好煙"un"。冷烏冬既湯又清清地咁，可以加晒Wasabi 一齊食~ 又有另一個味道~ 真係好好食呀!!!!!! ^^ 吉列豬扒滑蛋撈烏冬= 話明吉列豬扒，我就會即刻諗到佢既豬扒應該係脆嫁嘛，但係... 佢已經比滑蛋整到"淋"晒了.... 豬扒就咁食都已經幾好味(雖然已經"淋"左...) 但係如果點埋D 豬扒汁食又有另一番滋味~ 不過呢個都唔算好差，但係同冷烏冬比較既話，我就鐘意食冷烏冬多D 喇~~炸餃子= 呢個就一般啦，冇我想像中咁好~ ^^"天婦羅冬菇+ 天婦羅蓮藕= 服務員同我地講，有個客人話天婦羅點左冷烏冬既湯食仲好味喎，因為天婦羅本身係冇味嫁嘛~ 叫我同男朋友試0下~ ^^ 我地照佢既食法試0下啦~ 又真係幾好食啵~ ^^另外，值得加許既仲有1) 服務員態度好好。(2) D 野食0黎得幾快。