美心皇宮 (已結業)

逢星期日晚多數都是family day，唔想去咁遠，今次由媽媽就主動提議。以前是"美心大酒樓"時都好少食晚飯，至從變了"皇宮"後更加未o黎過。裝修後果然不錯，不過與之間就較迫。點了個5-6人套餐，有雞、有魚，再自選三款小菜，另加錢有個冬瓜盅。冬瓜盅-睇落細細，但份量足，我o地5個人，每人可分到兩碗。已定的小菜有：蔥花豉油雞-雞肉唔差，算嫩滑。所謂豉油雞，無豉油味，竟然有煙燻味。蒸石斑-細細條斑仔，都唔錯，起碼d肉唔會霉。自選小菜有：帶子蒸豆腐-帶子唔爽、豆腐唔滑。醬烤骨-賣相有點似五花腩，肉質好諗，亦夠入味。咕嚕肉-食第一件感覺好多粉，第二件感覺唔熟透，立即要求換過。再食第二碟時，口感完全不同，又熱又脆，水準唔錯，可惜好細碟，唔多夠喉。(幅相是第二碟的)至於服務方面，大集團當然有保證。