哥登堡餐廳 (已結業)

经过很多次，但却第一次食。最近系土瓜湾做野，见到呢间旧式扒房准备结业，所以约左女友去试。今日好好彩，人唔多唔驶排队就有得入餐厅坐系到点餐，入餐厅满眼旧情怀，灯光较暗，侍应热情，未叫野食，先问要咩汤。女友叫左牛扒意粉，我叫左个猪扒铁板。先来两个罗宋汤加餐包，汤足料有微胡椒味，餐包暖，落牛油时会慢慢容，唔系冻冰冰的。主菜来了，牛扒意粉，意粉多同有炒过，唔系就咁用水煮熟，牛扒有肉味，薄牛扒，都有肉味。意粉同出面好多地方唔同有炒过先上来。猪扒两大块，厚身煎到㶶边，有口感。吃到一半，侍应来问餐饮，叫了红豆冰及参蜜，红豆冰系用椰子水，同连锁的大大分别，真无椰汁味重，参蜜有参你底，但唔知真假，饮落味唔似即冲的化学饮品。最后，侍应送上两粒糯米糍，唔系维记，好好食。以200蚊唔到的价钱食上咁丰富的晚餐，性价比好高。