割烹 櫓杏 (iSQUARE國際廣場)

营业中

休息中

我同我啲姊妹平時都好忙。啱啱好我哋兩個最近都比較得閑，就打算去尖沙咀嚟一次探店。今次我哋打算去試嚇我哋好少食嘅日式料理。呢間舖畀我哋嘅感覺就好舒服，好似自己喺屋企食飯咁，特別放鬆！最特別嘅地方系櫥柜上面擺咗好多清酒樽，望落去就好療愈。新鮮刺身盛合：三款唔同嘅刺身，味道鮮甜，入口即化，一個字，正！雖然係廚師隨機發辦，但相信佢唔會老點食客，我俾佢分到嘅魚生簡直係極品，非常滑嫩爽口，香氣四溢！👍櫓杏一流 - 黑松露茶碗蒸：蒸蛋用咗黑松露之後，係咁係咁嘅黑松露香味，一啖咬落去特別香甜！然後口感好滑，都係入口即化，蛋香充滿咗成個口腔，食完仲會想再叫多一碗！🥚鰻魚同青瓜配土佐酢：鰻魚本身就係咁鮮甜，配埋青瓜，口感爽口，味道非常好味！而且就估唔到鰻魚配土佐酢可以咁好食，食完意猶未盡。🐟火山鍋：火山鍋放咗滿滿嘅豚肉，望落去就特別開胃。嗰啲豚肉真係無得頂，涮熟咗食仲非常滑，絕對係極品！仲畀埋啲配菜好似白菜、金針菇、鮑魚等等，份量非常足！食到我哋好飽呀！呢次系我哋第一次食到咁好味嘅日式菜，仲體驗到濃濃嘅日式風情，兩個人都非常鍾意！下次我哋仲要繼續探索更多美食！❤️