店舖環境簡陋，但座位尚算寬敞。我哋叫咗兩碗米線：一碗係麻辣胡椒湯底（加左秘製豬腩肉、滷汁豬粉腸），另一碗麻酸辣湯底（加左反斗蝦膠豆卜、招牌酥炸雞球同雲醬豬軟骨）。
講真，麻辣胡椒湯底麻到誇張，第一啖湯已經苦到皺晒眉，麻到個口好似打咗麻醉針咁，仲加埋胡椒，麻味勁到講句話都辛苦，極唔建議叫麻味既湯底！湯底唔得之餘無唸過米線係未熟，有骨！作為一間米線專門店點會咁離譜？真係失望。唯一覺得正常嘅係豬腩肉同豬粉腸。
1
另一碗麻酸辣湯底都係麻到個嘴木晒，食完無晒感覺。炸雞球同蝦膠豆卜炸到好乾，乾硬而無汁，食落好普通。豬軟骨就正常無乜特別。
1
兩碗米線$155。整體黎講湯底都係超重口味, 極不建議試麻味湯底同炸物既餸。另外米線有骨就真係希望出品部要留意同改善下, 今次體驗真係麻麻!
