辦館 (The ONE) (已結業)

驚喜竟然在後🥰辦館我食過佢嘅主食，估唔到呢間係輕食，主要係蛋糕，多士同嘢飲。呢個地方真係好適合坐下傾吓計。雖然地方唔算大，但坐得舒服，鹹牛肉芝士吐司 $48邪惡嘅吐司，唔知幾耐冇食過鹹牛肉，加上拉到絲嘅芝士，點解可以有咁完美嘅組合。棉花糖吐司 $48其實呢個吐司興起咗好耐，但bbq咁多次我都未食過，所以就試吓去，啲棉花糖黐住嗰種感覺就好似芝士拉絲咁樣。榛子鮮奶咖啡 呢個真心要介紹，雖然佢咖啡平平無奇，但最出位嘅係竟然你可以自己揀相然後佢會印上去個咖啡面度佢呢個同之前我飲嘅任面咖啡有少少唔同，就係佢冇色素，主要係用奶同埋咖啡去整啲色出嚟，感覺健康好多。我即場影咗張相去佢印，好正呀。如果唔揀相可以印文字都得，選擇會唔會太多太正。