影片
更多
2009-11-11
6 浏览
是夜, 氣溫驟變, 凍凍地... 三條麻甩佬, 無啦啦話食飯. 無理由fine dine 鋸扒咁有情調掛. 灣仔近近地, 就去左我呢位"大舊"朋友成日都叫我去試嘅呢間金源小厨啦~一入去, 得5張枱, 咁細?! 非也, 有樓上雅座.. 我地就坐頂層最尾果張, 老闆娘話有情調d喎.. 真係需要咩?! 得三個.. 就叫左..1) 手撕山東雞2) 紅燒炆大斑尾3) 啫啫通菜煲4) 枝竹羊腩煲5) 榴槤雪糕 另送豆腐花, 南瓜海底椰先黎山東雞, 大舊友人極力推薦. 不錯不錯, 肉嫩, 個汁配得恰到好處. 如果佢個雞胸可以撕爛d仲好...炆斑尾係我提議嘅... 好懷念蓮香樓嘅絕頂炆斑翅. 又見到佢貼張紙o係牆好似變成 "是日精選" "厨師推介" 果類野.. 百三蚊平平地.. 就試下佢啦. 碟頭相當大, 枝竹, 燒腩仔多得很. 可惜魚尾較細小, 肉地亦不覺很出色. 百零蚊, 不貴, 但係'o係'金源可以有更多好選擇. 通菜煲亦不賴. 鮮嫩可口, 蝦醬味濃~ 重頭戲係枝竹羊腩煲... 可謂我地三個至愛. $88 一點也不貴. 大大煲. 羊腩煲從來不易做, 湯要夠味, 肉要夠嫩 (還有一點點羊羶味),
一入去, 得5張枱, 咁細?! 非也, 有樓上雅座.. 我地就坐頂層最尾果張, 老闆娘話有情調d喎.. 真係需要咩?!
得三個.. 就叫左..
1) 手撕山東雞
2) 紅燒炆大斑尾
3) 啫啫通菜煲
4) 枝竹羊腩煲
5) 榴槤雪糕 另送豆腐花, 南瓜海底椰
先黎山東雞, 大舊友人極力推薦. 不錯不錯, 肉嫩, 個汁配得恰到好處. 如果佢個雞胸可以撕爛d仲好...
炆斑尾係我提議嘅... 好懷念蓮香樓嘅絕頂炆斑翅. 又見到佢貼張紙o係牆好似變成 "是日精選" "厨師推介" 果類野.. 百三蚊平平地.. 就試下佢啦. 碟頭相當大, 枝竹, 燒腩仔多得很. 可惜魚尾較細小, 肉地亦不覺很出色. 百零蚊, 不貴, 但係'o係'金源可以有更多好選擇.
通菜煲亦不賴. 鮮嫩可口, 蝦醬味濃~
重頭戲係枝竹羊腩煲... 可謂我地三個至愛. $88 一點也不貴. 大大煲. 羊腩煲從來不易做, 湯要夠味, 肉要夠嫩 (還有一點點羊羶味), 枝竹馬碲亦要入味... 呢煲野, 通通做齊 !! d羊腩係每一舊都細細舊, 好似燒肉咁, 有皮有肥又有肉, 正!! 枝竹亦炆得一絕~ 三條友食到企o係度係咁夾, 真暢快~~
又白飯又啤酒.. 夠哂飽... 阿姐話送甜品.. 有豆腐花 同 南瓜海底椰... 兩樣都啱.. 我左揀右揀, 阿姐話.. 請你食多個啦... 真好人... 但我心諗, 好飽喎, 唔想嘥野喎.
殊不知竟然有驚喜~ 甜品不會過份甜... 豆腐花很滑, 滑過d去豆品鋪企o係街食果d.. 南瓜海底椰非常足料, 啖啖海底椰... 正呀..
望望餐牌... 嘩.. 選擇仲多過d甜品鋪呀... 見到有自製雪糕... 我又一次俾.. "自家製"呀, "古法" 呀, "招牌"呀 呢d字眼落左降頭喇...
卒之忍唔住.. 飽到上心口都要叫個榴槤雪糕先死心.. 友人個個話飽, 先求到佢地幫手每人食一匙. 好在細細個.. 我一食落去.. 就後悔... 早知唔叫佢地幫手食啦... 實在太好味喇!! 就好似食榴槤一樣的濃郁, 又香又滑... 果兩條友本身話食一啖點知都係三分天下... 哈哈..
灣仔再想食小炒, 值得去多一次... 就算食甜品都過癮!
p.s. 可能係冇諗過d 甜品咁出色同用心, 相比起平時d 飯後紅豆沙, 先覺得咁有驚喜... 不過話時話.. 我友人琴晚已經再去多一次, 淨食甜品, 有趣~
张贴