影片
金源小馆既小菜做得出色滋味，甜品更系必点，雪糕都有好多特别味，如威士忌，番石榴和爱尔兰咖啡。地方就稍为逼，特别系多人既时段。山东烧鸡（$120）：作为金源小馆既招牌菜，每一次食都无令我失望。充满香蒜味既酱汁淋落撕开鸡肉，下面就铺左斋鸡土鱿蒸肉饼（$60）：有马蹄香菇既土鱿肉饼好足料，好有大排挡小菜风味豉椒蛏子皇（时价）：老细当日推介蛏子皇，豉椒汁炒得香口微辣，每人一大件系好满足！威士忌雪糕（$18）：金源小馆晚饭总会送甜品豆腐花/南瓜露，但餐厅既自制雪糕总叫人难以抗拒！威士忌雪糕带有酒香既威士忌味，超特别！
继续阅读
The local favorite has a reputation of the delicious dessert. Puddings are great choices, don't leave without them. Shadong chicken is easily the hottest item here. Soy sauce marinated chicken but served cold with a yummy garlic sauce with a bed of even yummier tofus, the taste of chicken did not disappoint. I also order a side veggies because the veggies fried in old style Hong Kong wok is the best!#hungry #香港美食 #pandaeatshk #hkfoodblogger #hkgoodeats #hkfoodblog #hkfoodie #hkigfood #全力食 #hkfoodstagram #饮食日记 #bestfoodhk #topcitybiteshk #fotdhk #hkeat #hkfood #hkrestaurant #hongkongfoodie #ufoodphoto #foodgasm #foodgasmic #相机食先 #香港美食地图 #吃货人生 #popyummy #yesfood
继续阅读
好好好食！好旺场。因为即兴，冇订枱，6:15pm到达，已经有人在内。大多是订枱客人。2个人食，叫了山东鸡，半只。超级好味，不停食，食到尾才记起要影相。超多蒜，香口，鸡肉滑。可能因为是必叫菜式，一早准备好，不到5分钟已经上枱，即食！我见枱枱都有叫。这个啫啫通菜煲，本来冇乜期望。但是超好食！够热，够香，够多！食食下发觉煲内还有鱿鱼干粒，冬菇及虾米！必食！张相，已经食左2/3。点了蒜茸蒸虾，不过不失。这类店，最怕服务差。不过，出奇地好！又会自动换碟。但环境比较旧，而且客多，大家会自动交枱。是2小时内的大围旧同学旧同事食好嘢的好地方，之后去酒吧饮嘢。
继续阅读
感觉上，山东烧鸡就系一只来自山东既鸡，就好似青远鸡𠮶啲一样，寻日同事提议我地一齐过来食Lunch, 未食过就试下啰。。估唔到未到门口，离远己经见到有一大班人聚系门口，正谂住想转场时，同事话「一早订左位」，所以我地就心存兴幸咁走过去。但系订左位，原来都要系门口等10几分钟，虽然Lunch 时间得1个钟，但职员都好识做，系门口帮我地点定菜，一坐低就食得。。抵赞👍🏻👍🏻👍🏻😊😊山东烧鸡，未去餐厅同事己经话必试，一坐低，店员就俾左一碟𩠌俾我地，因为太多蒜容既关系，所以我并唔知佢就系今日既主角山东烧鸡，直到同事夹一旧鸡俾我，我先知道。讲返只鸡先，今日食饭都系靠同事发板，所以有咩食我都唔系好知，可能因为咁，所以有啲惊喜。。鸡系好食嘅，但更值得欣赏嘅系垫底既斋豆腐，吸晒啲蒜香。好好食。接住再上就系香醋骨，呢个骨真系好香，用嘅系甜醋，唔会过酸，啲用质唔嚡，好好味。再来就油蜜菜，好甜好好食，不过都唔少油。最后系虾仁炒蛋，虾好弹牙又大只，蛋又香，屋企𩠌但好好味。Overall 来讲，我几欣赏佢所有𩠌都系即整，热辣辣咁上枱，因为啲菜太好食，结果食晒成碗饭，肥死我了。😂😂😂
继续阅读
去湾仔金源小馆，无论系lunch定dinner。Book咗台都好，都必定要等位。大概等咗15分钟，三位嘅我哋，要同另外两位素未谋面嘅食客搭台。晚餐嘅餐牌，同午餐其实系一样。当然一定要叫山东烧鸡啦，其实我朋友系唔食蒜。老板二话不说，就冧咗啲蒜汁。啲鸡好滑，水准依旧。但如果系热的话，就会加分好多。无几耐，镇江骨就出场啦。如果你需要碟𩠌捞饭，你一定要叫佢。食过金源咁多次，第一次叫上抽虾。味道好好，但啲虾嘅质数就差咗啲啦。雪藏虾，如果系新鲜虾，或虾碌，一定会好好多。最后就系啫啫芥兰煲。个煲内，有新鲜鱿鱼，所以好惹味！最后，老板仲送咗每日新鲜做嘅豆腐花嘅我哋叹。都系个句，如果系热的话。会高分啲罗。总结嚟讲，系间值得推荐嘅广东小炒店。
继续阅读