澳洲牛奶公司

营业中

休息中

十幾年前家住佐敦，當年未有openrice，但澳牛已經好出名。當年未至於大排長龍既程度，但永遠坐無虛席。係澳牛，會撞到熟人，會撞到明星（包括發哥）。什至後來澳牛變得太出名，水準下降，寫澳牛的黃昏，都可以紅埋個作者。一路以來，侍應更替，食物價格上揚，的確，相比之下，澳牛水準係比以前差左少少，但呢度既炒蛋仍舊一直係我既最愛。今日早餐時間黎到佐敦附近，當然要再訪。平日上午十一點幾，竟然無人排隊。入內叫左個蛋牛治烘底外賣，由落單到拎走，不消五分鐘。炒蛋依舊滑溜，蛋味香。鹹牛肉雖然都係無煎香過，但配上炒蛋味道剛剛好。帶驚喜既係白麵包，本身帶甜味，麵包控如我就咁食都覺得滿足。不過可能澳牛真係太光速，烘底未夠熱未夠脆，其實只要再烘多一分鐘已經好好。