立鮨 (黃埔天地) (已結業)

唔過開嚟都唔知 原來立鮨喺黃埔都開咗🍣咁啱行完街要食lunch 又咁啱係我至愛嘅壽司 就你啦🥢而家所有立鮨分店都有座位㗎啦 舒舒服服坐喺度食 另外仲有旺角/尖沙咀/荃灣分店🤗午市套餐有好多選擇 除咗壽司仲有魚生丼/烏冬/壽喜燒鍋等等💁🏻‍♀️我就揀咗午市自選壽司6貫 主要都係自己鐘意嘅火炙系列 輕燒之後迫咗啲魚油出嚟 真係正🤪火灸三文魚壽司都幾肥美 上面仲有蛋黃醬添 而火灸左口魚邊壽司充滿魚油香 入口即溶🤤火灸牛油帶子壽司同火灸牛油赤蝦壽司我都要咗各兩件 赤蝦夠彈牙 帶子入口有溶化感 配埋牛油真係超香🔥另外追加咗珍寶牡丹蝦壽司 好大隻仲好新鮮🦐再加多兩件三文魚腩 好飽啊🤰🏻不過都要食埋雞皮餃子 因為唔係度度有得食 皮脆而入面嘅饀爆汁🥹好正