影片
相关文章
立鮨 (黄埔天地) 今日工作去到黄埔，见到呢间餐厅，就入咗去食lunch。第一次帮衬，餐厅内部装修到好日式，可以选择Bar枱,望住师傅,都可以拣餐枱。午市时间嚟讲，人流唔算多，只有两三枱。午市套餐有好多款式选择，有寿司、鱼生饭、定食、乌冬等。我点咗精选寿司定食（$128）有8件寿司，鲜虾味噌汤、沙律及迷你清汤稻庭乌冬。寿司有赤身、三文鱼、鳗鱼、海胆、帆立贝、真鲷、珍宝赤虾。从照片所见，欠光泽感及油脂都系一般，质地都唔系特别好新鲜，普普通通。除咗赤虾大只爽甜，其他都一般。特别想讲饭团，酱油及醋太多，好咸同酸完全掩盖咗海鲜嘅味道⋯⋯虾汤好浓郁，有虾膏虾油嘅味道，但略嫌有啲咸, 之后好口渴,要饮好多水沙律同乌冬正正常常总体麻麻哋，唔会再嚟📍红磡必嘉街120号黄埔天地第三期百宝坊地下G9号舖
继续阅读
是日点咗以下三样，本来想边点边食，但三文鱼籽海胆大满足迷你丼嚟咗已经大失所望。再加点火炙海苔三点及新鲜贝三味寿司，更系失望到极点，埋单就走。最后睇返张单先发现，12分落第一单，26分已经埋单，前后14分钟，快过食快饭。三文鱼籽海胆大满足迷你丼图片显示个丼份量系充足，名称亦自称大满足迷你丼，可惜细份到想喊，海胆份量连图示一半都冇。饭嘅酱油反而非常多，最后个饭系劲咸湿！！！真系字面上又咸又湿。火炙海苔三点同新鲜贝三味寿司同时系送到，店员提醒先食海苔三点，但其实海苔喺当刻已经唔脆，质感同我埋单之后食拉面个碗边𠮶块海苔一样。咁系为咩要提醒我哋食先？唔通唔快啲食，块海苔会滴水？三件中其中一件系火炙虾，火炙就火炙啦，加牛油烧？咁点解唔整茄汁虾？蒜蓉开边蒸丫不如。搞创意料理就应该学吓明将。新鲜贝三味寿司细！帆立贝大概两片手指公指甲咁。另一两件我已经冇心情食，同行嘅食咗。另外就系咸湿饭。其实材料新鲜真系需要咁多酱油？我唔系专家，留俾其他人思考。
继续阅读
叫咗个「大满足北海道日本海胆迷你丼」点知师傅喺吧枱递上嚟，一睇就知系加拿大海胆。好彩我趁师傅掉头走之前，即刻叫佢换返日本海胆俾我。造型专业嘅师傅起初仲有怀疑，相信佢望清楚之后知道要即刻换返，庆幸我当时唔系饿得滞一啖食落肚，我唯有喺埋单嘅时候郑重提出意见，感谢𠮶位师傅用佢凌厉嘅眼神向我道别。
继续阅读
晚餐想食寿司，去咗有多间分店嘅立鮨， 除了大埔原来黄埔都有分店！ 食物款式多有鱼生， 串烧，乌冬等！ 软壳蟹卷软壳蟹的外壳炸得酥脆，内里有鲜嫩的蟹肉，搭配一些蔬菜和酱料，增添了口感和风味！ 吉列广岛蚝 广岛蚝是蚝炸得金黄脆卜卜，鲜美且口感丰富，搭配吉列酱汁一啲都唔热气！ 白鳝串白鳝串是用白鳝鱼肉串烤而成。白鳝鱼肉质细嫩，没有腥味！ 用了调味料和烧烤提升风味👍🏻 烧得刚刚好，外皮香脆，内部多汁，非常美味！金龙卷金龙卷系吉列虾卷，用了新鲜的虾肉，上了面糊后油炸！ 炸虾卷配沙律酱系绝配！ 松叶蟹盖甲罗烧 松叶蟹盖甲罗烧是一道以松叶蟹为主要食材的菜品。松叶蟹盖鲜甜，盖壳烧烤得好香，蟹膏惹味吸引😍 免治鸡肉软骨棒免治鸡肉软骨棒用了鸡肉和软骨制成！鸡串嫩滑多汁!配酱汁及日本蛋，系最佳选择👍🏻
继续阅读
多谢❤成间餐厅前后既工作人员，为我地安排一个好食又开心既晚餐。就算得2个人又好一大班人既party都好，只要你要求既，餐厅都会照顾得好到位，仲会比你谂得更细心🥰 系重要既日子，紧系要提早准备，一个月前终于揾定餐厅，胆粗粗问下如果2个人庆祝生日😅 可唔可以特别安排个刺身蛋糕。本身都冇咩期望! 但转个头餐厅已经回覆冇问题!!! 仲提议左几个刺身蛋糕设计，真系好细心，懒人既我完全唔洗用脑🥰 剩系刺身蛋糕系唔够，睇到佢地menu 有时令同多款热卖，为左令寿星系生日当日食得丰富，顺便落埋单，讲定有咩想食 (好彩有提早落单，有D食品当日已经冇货🤓)。餐厅会系一星期前同用餐前一日再confirm 多次食材有冇要修改。终于黎到用餐当日! 环境同灯光都好好feel，坐得好舒服。食物方面，我地主要叫左4大类 1️⃣刺身、2️⃣时令 / 有特色、3️⃣生蚝 同 4️⃣小食 / 串烧 / 热食:1️⃣刺身蛋糕🤤每款刺身2件 餐厅可以将佢地本身既 什锦刺身拼盘 同 特上什锦刺身拼盘 夹埋一齐整个蛋糕形 (饭底)，岩哂寿星唔中意食甜蛋糕，但又有个蛋糕形既仪式感!😃中吞拿鱼腩❤ 冇筋，鱼油味香 油甘鱼❤ 味道淡鲜，口感柔软三文鱼✨ 味道正常，较簿身赤虾✨ 鲜甜爽口真鲷❤ 少脂肪，柔中带韧 大吞拿鱼腩❤ 油脂分布平均，不过其中一件有筋深海池鱼❤ 口感鲜嫩upgrade 日本马粪海胆❤ 鲜香浓郁带甘甜 口感丰腴三文鱼籽❤ 啖啖鲜味牡丹虾❤ 大只够爽口，鲜甜味美金目鲷❤ 油脂高珍宝带子❤ 比想像中细粒D 时令刺身🤗1️⃣.1️⃣单点刺身 另外叫多2款刺身满足下口瘾😌活北寄贝剌身❤ 肉厚爽脆，海水同鲜甜味浓北海道活象拔蚌剌身❤ 爽脆弹牙2️⃣时令 / 有特色 虽然价格比较高，但真系好好味🤤时令香箱蟹😍 松叶雌蟹，先拆肉再装起蟹膏同蟹籽，橙色实心既内子口感绵密香浓，外子就好似蟹籽咁脆卜卜松叶蟹盖甲罗烧😍蟹盖内放满松叶蟹肉 蟹膏 同 飞鱼籽，食起黎咸香味美，蟹香系口到爆出黎! 原只矶煮鲍鱼🥰 肉质柔嫩弹牙大吞拿鱼鲛寿司 KAMA TORO😍 油香十足，肉质嫩滑，脂肪纹密布如雪花，入口即溶!!!吞拿鱼脑天寿司😍 最矜贵部位之一吞拿鱼头顶肉，筋少口感软滑，脂肪多鱼味极浓赤鯥寿司😍 冬季红身鱼贵族之一 用火枪炙烧完淡淡既油脂，脂肪充足，带有鲜鱼既甜味喜之次寿司😍 海中红宝石 鱼脂特别肥厚，肉质细嫩火灸和牛寿司😍 有筋但系厚切3️⃣生蚝 好耐冇食过💃🏾天草处女真蚝😋 鲜甜香滑爱尔兰活蚝😋 重蚝味，带子位好鲜甜，强烈回甘时令生蚝 Fine De Claire😋 淡淡海水咸味，肉质鲜甜，弹性爽口时令生蚝 White Pearl😋 咸鲜味浓，蚝肉清甜，裙边同蚝身比较爽滑弹牙4️⃣小食 / 串烧 / 热食 出色抵食之选💃🏾蟹籽沙律💓 爽口青瓜丝加大量蟹籽，够哂fresh烧虾头配鲜虾味噌汤💓 用赤味噌煮既汤头，味道最浓郁，配埋烧过既虾头，鲜味十足仲有淡淡烧焦既焦香海鲜蒸蛋💓 口感软嫩日本静冈产糖蕃茄💓 蕃茄味浓，仲有蒜泥系面，味道好特别白鳝串💓 外脆内软，口感鲜嫩有弹性，带有淡淡既烟熏香味串烧鸡软骨💓 软骨有咬口Menu选择好丰富，丰俭由人。而且餐厅既做法都好有弹性同细心，大时大节又好，有想有搞作既，佢地都好欢迎。呢个体验真系好难忘同开心🫶🏾我地最后再叫个雪糕甜品，为呢个生日饭画上完美既句号💁🏾♀
继续阅读