乾杯串燒居酒屋 (漆咸道南)

营业中

休息中

老公生日，揀咗呢間小店。店不大，但座位都幾舒服。食物種類一般，不過水準都唔錯。不過最值得讚嘅係服務態度冇得彈，首先我哋揾唔到位置而要打電話問路，店員好有耐性解答引路(其實我已問咗两次)。我哋揀咗鮑魚同聖子，店員主動建議两種唔同燒法。最令我感動係由於我不斷咳漱，但又忍唔到口想飲凍飲，店員落單後竟然返轉頭問需唔需要小冰，真令我倆感到十分細心，呢種服務態度去到五星級餐廳相信都未必會做。真多謝此店令我哋有個愉快晚餐。