海底撈火鍋 (利舞臺廣場)

营业中

休息中

聞名不如見面，海底撈呢個名聽得多，今次第一次光顧。不知我好彩還是熱潮已過，平時排長龍的，今日去到只等15分鐘已有位。先講等位......坐底等位時，已有蜜瓜及小食供應，另外女仕更可免費去整手甲!這真是意想不到的服務。入坐後用平板電腦點餸，上菜速度驚人，侍應服務一流。從未試過食火鍋有人剝蝦俾我，飲品飲完即時添加，最好就係食完身上無油煙味!因為佢爐特別設計。食物質素中高水平，最值得欣賞的是炸曼頭😂十分鬆化香口。價錢每位$500（共4人），食得抱腹滿的。中場有餘興節目，變臉....但有小朋友就小心被嚇親。提到呢點又有一點要讚。隔離枱有個小朋友見到身穿戲服變臉表演時即喊，經理即時叫戲子往另一邊廳表演，更送上一份大禮物安慰小朋友這應變速度快，抵讚。