影片
更多
2008-07-23
5 浏览
約左長毛共進晚飯，佢提議食西餐，叫我揀地方。此長毛非彼長毛，不但識飲識食，而且出手闊綽。身邊慳家朋友實在太多（小弟雖然都孤寒，但對於食會闊綽D），咁就不如趁住依個機會食貴少少啦。是日係一個星期二，所以去到發覺人客只是寥寥可數，而且大部份係情侶。突然兩個男人走入唻食野都覺得有D核突，不過志在唻食野，唔理得咁多。即使係冇人，原來訂左枱係有「jetso」的，因為佢畀左張舒舒服服嘅四人梳化位我地兩個人坐。其他人比我地早到，但因為冇book枱，只可屈就於普通座位。周圍嘅裝修都幾靚，不過總係覺得有點兒那個。尤其係令我聯想到老富昌嘅梳化位，畀我好「港式西餐」嘅感覺。長毛同我決定要一個Set D，即係兩個人有四個appetizers、兩個湯、四個entrees同兩個甜品，全部都可以平分兩半，咁就可以自己叫自己。望一望餐牌，真係花多眼亂。前菜有廿幾款，湯有三款，而主菜同甜品都有十款左右。可能餐廳職員想為我地再添煩惱，耳邊竟然響起Fergie嘅Fergalicious，簡直大剎風景。緊接落唻係Destiny’s Child的Survivor，唔講我以為落左club。香煎鵝肝︰影落好大塊，但其實鬼咁「的骰」
長毛同我決定要一個Set D，即係兩個人有四個appetizers、兩個湯、四個entrees同兩個甜品，全部都可以平分兩半，咁就可以自己叫自己。望一望餐牌，真係花多眼亂。前菜有廿幾款，湯有三款，而主菜同甜品都有十款左右。可能餐廳職員想為我地再添煩惱，耳邊竟然響起Fergie嘅Fergalicious，簡直大剎風景。緊接落唻係Destiny’s Child的Survivor，唔講我以為落左club。
香煎鵝肝︰影落好大塊，但其實鬼咁「的骰」。小弟喜歡食鵝肝，但因為食得唔多，對佢冇咩研究。不過依一塊，我一食落就知道唔係靚野。不但有一陣騷味，而且有筋，扣分。不過個面煎得好香脆，而個汁都非常好，甜甜酸酸，開胃非常。底下嘅菠蘿不但唔太配合，而且絕大部份係個「心」，食唔到架!
香草啤酒藍貝︰總共5隻。香草味味道不錯，但過於濃烈，而且汁好咸，蓋過晒啤酒同藍貝嘅味道。長毛的白酒汁則太淡，冇味，雖然更能食出藍具鮮味但係有點兒寡。藍貝非常之滑，都幾鮮甜，可惜被調教得唔好嘅汁影響晒。
黑芝麻餐包︰藍貝嘅汁太咸，不過用唻點餐包就啱晒喇。餐包唔熱，不過算OK鬆，黑芝麻都幾香。蒜蓉牛油只係得蒜蓉香味，牛油香完全欠俸，但身為蒜精的我仍然繼續用唻搽。
南瓜湯︰太甜了，甜得唻有少少假，令我質疑佢係咪上早左個甜品。好嘅南瓜湯應該咸味同甜味有一個好好嘅平衡，但佢就做唔到。同埋佢唔夠creamy，亦都係因為咁而較稀。
墨魚汁意大利飯︰最滿意的一個dish。意大利飯夠煙韌，但比起傳統risotto軟，係遷就左香港人（包括我）嘅口味。汁啱啱包住晒D飯，加埋D魷魚熱辣辣咁食相當唔錯。飯入面有微微嘅蒜香，但佢喺飯上面再放多一大pat蒜蓉，如果撈埋落個飯度味道就會太濃而變左好似中式飯，真係有D「多舊魚」嘅感覺。順帶一提，食緊個飯時突然聽到Whitney Houston淒厲地大叫”and I will always love youuuuuuu~”，差點兒飯都噴埋出唻…
肉眼扒︰因為係同個risotto一齊上，開始食佢嗰時已經凍晒。既然依間餐廳係興好多唔同dishes，就應該喺上菜時間方面下點心思，以免野食凍晒。Anyways，肉眼扒一睇就知唔係靚野，因為見到好多條筋喺中間。肉質果然麻麻地，而且可能因為凍左，食唔到嗰陣燒烤味道。汁亦只係大家樂的燒汁。反而舊新薯同茄子都幾好食。
朱古力軟心蛋糕︰一個「唔流」但「三流」嘅心太軟。整開左後，朱古力係唔係太流出唻，而且食落得個甜字，完全冇朱古力嘅香味，係用左三流嘅朱古力整的。非常失望。
朱古力雪糕批︰有一層朱古力雪糕、一層士多啤莉雪糕而個底好似係oreo。雪糕唔夠香，而且混埋一齊好似唔特別夾。個底就太硬。
凍檸茶︰依度咩都細細份，估唔到餐飲都細過人…不過味道ok。一開始我仲問點解冇匙羹，長毛就話依度檸檬唔係”dook”係要自己擠，好瘀添。
總括唻講，甜品好唔得，但咸食還可以，不過二百幾蚊好似可以食得更好，好彩「可以試好多野」依樣野搭救番少少。一路食發覺好少人，最多都只係五成滿，佢仲要餐廳有一忽冇開到。服務係唔錯的，時不時都有服務生過唻同我地加水。可能因為比較少人掛。
食食下，長毛話︰「其實依度都幾嘈喎。」其實一點也不出奇，音樂又亂揀又大聲，個個都要講野超大聲先聽到，實嘈啦。播英文歌不代表有格調，反而播一些中文嘅抒情歌可能效果會更好。無論係裝修、音樂定係食物，依度都刻意裝扮成一間正宗西餐廳，只可惜有太多「蛛絲馬跡」告訴大家他只是一間較高級的「港式西餐廳」，有D「著起龍袍唔似太子」的感覺。所以，依間亦絕唔係一個拍拖嘅好地點。
十點了，埋單走人。臨走時，開始播Linkin Park的音樂。同長毛對望苦笑一下。唔知道會唔會再有機會唻依度呢?
张贴
