稻香.茶居 (荷李活商業中心) (已結業)

重新裝修吾夠2個月的"稻香．茶居”，裝修時尚又帶點港式復古風，幾特別！座位算舒適寛敞，每個座位配有加水自動化系統，吾洗次次壺茶無水都要叫姐姐加，好先進喎！睇睇菜單，點心價錢都ok，咩都想食下試下，叫個午市套餐就「perfect池」.午市套餐（$198) ⬛ 招牌鵝三弄： 此店招牌，一鵝三食，包括燒鵝皇、涼拌鵝爽、鵝肉炒飯， 一次可以食到吾同燒鵝部位，幾好呀！最like 涼拌鵝爽，個人平時較少食鵝腸，爽爽脆脆，冰涼麻辣，當前菜來吃非常開胃。, ⬛竹笙菌皇浸菜苗：使用上湯烹調，口味清淡，用來平衡吃鵝時的膩口感覺剛剛好，菜苗菌菇吸收了湯頭的清甜，又不會太老，加分！.⬛自選點心：今次選了湯中湯灌包、貢苗蝦貝餃、豉汁蒸鳳爪，每樣都吸晴好食，不會太咸和加了好多味精，要人一路食一路飲好多水👍🏻！個人建議趁熱時一定要先吃蝦貝餃同湯灌包，因涷了蝦貝餃的外皮會變硬，湯灌包湯底味道亦不及熱食時咁出，所以點心一上枱便食，便能品嘗到佢地最好食既味道！