閨•家 (西九龍中心) (已結業)

同朋友行完西九龍中心，原已經過咗買餸時間，咁啱見到間閨.家餐廳，門口餐牌啲相圖文並茂，吸引到我想試吓，今晚一於買外賣回家食。咖喱牛腩飯，買飯有老火湯餸，足料冇味精，清甜好飲。店員話店鋪最出名就係獨門秘製咖哩，咖喱醬汁利用了不同的咖喱粉混合而成，再加上椰汁和花奶，椰香味香濃，可自選大中小辣。再配上軟腍的牛腩，用來送飯一流。咖喱豬扒飯，豬扒冇用化學野醃，係用天然材料醃製，並且煎過鎖住肉汁，再加上小辣嘅咖喱汁，有椰香味，甜甜哋，辣辣哋，超級惹味！鐵板豬扒炒烏冬，烏冬炒得香噴噴，大大塊豬扒鋪面已經蓋住烏冬，味道調得咸甜適中，加少許辣醬食更添美味。