影片
更多
2023-08-04
102 浏览
楠天Kitchen Nam Sky Kitchen 📍沙田白石角香港科學園1期科技大道西1號核心大樓2座地下S002號舖朋友住白石角，屋企附近嘅餐廳寥寥可數，所以如果唔想煮飯食，一係喺沙田同大學呢啲地鐵站買嘢食，一喺就行去比較多食肆嘅科學園食。我哋一早約好星期五去科學園食飯，點知朋友唔舒服唔方便堂食，但喺屋企食又驚有菌，於是我哋就隨便搵咗間餐廳買外賣返去會所食。我哋去到呢間叫楠天kitchen嘅餐廳時大概係7點，除咗一般嘅小菜同燒味餐牌外，原來每晚餐廳都會有約十款晚市推介套餐，仲有唔同嘅湯品同甜品可供加配，價錢喺科學園嚟講都幾經濟，難怪未到晚市peak hour啲套餐都陸續售罄！睇返網上評價先知原來有好多喺科學園嘅打工仔都會喺度買外賣，原因係呢度嘅價錢比較平選擇多，下次入嚟呢頭唔知食咩時，又多一個選擇啦！ 💰$65茄子排骨 🍆🐖晚市推介餐牌上有飯、有麵、有小菜，其中一款係自選蔬菜配排骨，可以揀茄子/豆腐/涼瓜，我就梗係揀我最鍾意食嘅茄子啦。呢個餐係有包飯嘅，外賣佢會將餸同飯分開放，咁樣啲餸汁就唔會完全淋晒落啲飯上面，唔會怕食得太多汁太肥膩。我揀嘅呢個茄子排骨個汁好似一般餐廳食到果醋豬軟
📍沙田白石角香港科學園1期科技大道西1號核心大樓2座地下S002號舖
朋友住白石角，屋企附近嘅餐廳寥寥可數，所以如果唔想煮飯食，一係喺沙田同大學呢啲地鐵站買嘢食，一喺就行去比較多食肆嘅科學園食。我哋一早約好星期五去科學園食飯，點知朋友唔舒服唔方便堂食，但喺屋企食又驚有菌，於是我哋就隨便搵咗間餐廳買外賣返去會所食。
我哋去到呢間叫楠天kitchen嘅餐廳時大概係7點，除咗一般嘅小菜同燒味餐牌外，原來每晚餐廳都會有約十款晚市推介套餐，仲有唔同嘅湯品同甜品可供加配，價錢喺科學園嚟講都幾經濟，難怪未到晚市peak hour啲套餐都陸續售罄！睇返網上評價先知原來有好多喺科學園嘅打工仔都會喺度買外賣，原因係呢度嘅價錢比較平選擇多，下次入嚟呢頭唔知食咩時，又多一個選擇啦！
[價錢 Price]
💰$65
茄子排骨 🍆🐖
晚市推介餐牌上有飯、有麵、有小菜，其中一款係自選蔬菜配排骨，可以揀茄子/豆腐/涼瓜，我就梗係揀我最鍾意食嘅茄子啦。呢個餐係有包飯嘅，外賣佢會將餸同飯分開放，咁樣啲餸汁就唔會完全淋晒落啲飯上面，唔會怕食得太多汁太肥膩。我揀嘅呢個茄子排骨個汁好似一般餐廳食到果醋豬軟骨嘅味，但佢又有少少豆豉味，都幾送飯。至於啲排骨就好淋身，粒粒都好易骨肉分離，茄子走油後份外惹味，醬汁唔會過油，整體味道比一般canteen飯好食。
[價錢 Price]
💰$65
西蘭花牛肉 🥦🐄
朋友叫咗西蘭花牛肉，同樣都係有跟飯，個小菜都係分開裝住。西蘭花炒完之後顏色仍然翠綠，而且帶有香濃蒜味，爽口好味！牛肉嘅調味都唔錯，最重要係份量多兼無筋，好抵食！如果唔係用外賣盒裝住，用啲靚啲嘅餐具裝飾擺盤，相信可以媲美到酒樓或中菜嘅小菜。
[價錢 Price]
💰$58
姫松茸瑤柱嫩雞湯 🍲
以上介紹嘅晚市套餐，全部都可以用$5嘅價錢加配例湯，今晚嘅例湯係蓮藕綠豆陳腎湯，其實都幾吸引。但因為朋友病咗成個星期都無啖湯水飲下，所以我哋決定叫個份量大啲嘅姫松茸瑤柱嫩雞湯。雖然係外賣，但呢個湯認真足料，除咗有姫松茸，佢仲有落猴頭菇去煲，啲菇菌都煲到入晒味，索晒湯！瑤柱亦都俾得唔手軟，令湯底提鮮，再加埋適量嘅瘦肉同接近半隻雞，完全無味精味！佢嘅雞肉同雞腳好嫩滑，輕輕一咬就食到濃香嘅雞肉，係全餐嘅highlight之一，雖然有少少貴，但咁足料咩都抵返！
张贴
