大煲皇小廚 (已搬遷) 新店位置

正所謂秋風起，唔打邊爐點對得住自己! 前兩晚同同事一齊去左公司附近打邊爐。首先當然要揀湯底啦，不論雞煲定花膠雞湯都有！我地今次就揀左蕃茄薯仔牛坑腩鍋。估唔到有唔少菇菇啊。蕃茄同薯仔份量唔少，越煲越入味，好香！🤤蝦膠拼墨魚膠蝦膠滾熟左好多一粒粒嘅蝦，好有咬口同好爽，好有蝦味。墨丸膠就同蟹籽好夾，熟左D蟹籽都唔會走甩哂，痴到實一實。響鈴一定要推薦！新鮮炸起熱辣辣，佢個口感好鬆化，唔係普通響鈴咁一層一層，似D酥皮蛋撻咁千層酥咁好搞笑。另外熱食同浸湯食都得，我個人就鍾意即食點甜酸醬，好開胃！不過真係好地道打邊爐，夜晚好嘈大大個電視，一路打邊爐一路飲啤酒自high。