大煲皇小廚

從來唔多出街食火鍋，多數朋友聚會才選擇打邊炉，以大煲皇裝置簡單又有多款火鍋配料且新鮮好味，可以推薦一下，交通可能不算方便，但行多幾步再食個飽係值得。牛肉係主打，而其他海鮮亦相當好，手打丸同蔬菜亦十分好。記得要選食材魚生： 赤貝、油泔、海膽火鍋： 手切美國安格斯牛、滑牛、鯇魚片、蝦丸、牛肉丸、廣島蠔、豚肉片、黑栢葉。推介： 炒飯、炸物小食交通：可以港鐵長沙灣A2出，西行至青山道右轉至天悅廣場。星期五六日早啲開始，食得輕鬆！…查看更多

What better than hot pot for a group gathering.As we had a party of 10 person they offered a "private room" (partioned) but we had to meet minimum spending of $2500 in total.They have a good choice of different soup bases, so something for all types of taste.We ordered some cooked dishes (appetizers) to start, with the cold squid dish to be particularly tasty.They have a varied menu for the food to be cooked in the hotpot, with good size portions . Found the fried fish skin to be really crispy, thinand tasty.Atmosphere is rowdy similar to "dai pai dong" with some customer playing "table games" so not a place for a quiet get together.…查看更多

今日約朋友聚會，最好不過就係打邊爐，可以坐得耐d,又可一邊食一邊傾計。呢間火鍋店都幾好，有埋刺身食，三文魚都算肥美，都唔錯。湯底叫咗雙拼，一邊皮蛋芫荽一邊麻辣，個湯底都幾足料。響玲都好脆，應該係即炸蠔都幾肥美飽滿，唔腥炸芋頭，即炸，外脆內軟三寶丸，新鮮手打，好新鮮彈牙…查看更多

又一次星期六晚，唔知去邊好，自自然然諗起「大煲皇」。 來「大煲皇」已經有最少6、7年了。由當初朋友間的 best kept secret，口耳相傳呢度雖然環境一般，但超抵食又好味，到現在⋯⋯ 經營得很有規模（包括旁邊的分店）、無乜特價，呢種感覺淡化了。坐低問啊姐，仲有無以前超抵食的「天仙配」（曾幾何時$380左右，包一條細活魚刺身，及火鍋湯底），啊姐話無喇。啊姐推介了半條「海三梅龍」（有無人知道係咩？個樣有啲似金目鯛之類）$330 - 份量不多，而且是之前已經開了，不是現劏。無以前自己享用一條活魚咁正。味道 ok 嘅，爽口得來油份夠。鮮甜。不過，wasabi 豉油應該加了甜，有小小打茅波。麻辣鴛鴦鍋。正常。香茜皮蛋湯底個粟米好甜。本地牛頸脊，是不錯的，但大份的份量也不是很多。2 個人可以輕鬆吃光。另外加了$50 椒鹽了魚骨。好多肉。稍嫌厚漿，也不是很惹味。總體依然是ok 抵的。食物也不差。但沒有以前「發現新大陸」的興奮。…查看更多

天氣涼涼地，係打邊爐的好時候。與友人共同 #飯聚 #打邊爐 但冇諗過會係被迫食 #霸王餐 的。想落單，冇人理；打電話去前枱，聽完電話都係唔理；最後自己攞出去，最後都等咗成個鐘，仲要來錯鍋底，同職員講錯咗，佢就立即黑面，仲指住張電腦飛話一樣，電腦飛一樣，不過同落單紙不一樣，負責入電腦的人錯咗嘛！等多20分鐘，終於個鍋到了，食物隨之而來........ 其實都可以計得出來了，由第一次個鍋到開始，到食物上枱都要接受30分鐘，咁若果湯或到已經開爐，煲20-25分鐘，仲唔乾水？然後，想砸加嘢已經係不可能任務了，因為係唔會有人理你的。既然冇人理，諗住算了埋單，都可以冇人理，又冇單在枱面，唯有自己行出房啦，房門口的職員一啲都唔理，成理客攞晒袋走，都唔會理，走數都唔知。但自己真係做唔出食 #霸王餐 所以行去正舖位的櫃台啦，話埋單，都係被人黑口黑面，最終真係忍唔到了，我就黑返佢哋面，數返成餐飯的過程，個老闆先識講唔好意思。食物新鮮程度 ***食物味道 ** (都好咸下)服務 (負分)因為唔飽，最後只好去食麥當當了，若果早知係咁，不如直接食麥當當啦。#飯聚 #打邊爐 #霸王餐 #免費火鍋 #服務差到一個點 #無服務 …查看更多

今晚第一次嚟呢度食小菜,叫咗豉汁蒸大鱔砵酒焗生蠔薑葱炒蟹拆肉瀬尿蝦沙薑雞炸菜肉絲煎米粉金銀蛋豆苗啫啫臘味芥蘭我要介绍個生蠔,大隻到冇人信,入口外脆內嫩,再加個唔洗用手拆肉既瀬尿蝦,啖啖肉啱晒我哋呢d懶人😂…查看更多

朋友住在深水埗早幾天相約一見就去了這間餐廳看上去平平無奇就像一間普通的火煱餐館一樣朋友就原來這裡每晚都爆滿我就抱著期待的心情進去試試這裡的餐牌製作不算精美但照片拍得極為吸引火煱其實是不能缺少肥牛所以招牌菜手切肥牛是必要點的也可以看一下是不是照騙下面的圖片是我拍的不是照騙肥牛脂肪比例均勻略嫌真的厚了一點但牛肉味真的很豐富完全不像僵屍牛肉除了招牌菜手切肥牛之外其他火煱配料就不太詳細說了因為一般火煱店都是外購回來能突顯火煱店的就只有手切肥牛和湯底這店另一個有名的是花膠雞湯底其實我有點擔心他們的經營成本花膠雞湯底材料充足原全不像外面用「水」火煱的餐廳有空會再來試試…查看更多

打邊爐幾乎是香港人其中一樣最愛，都唔再係冬天嘅專利，春夏秋冬四季都可以。唔知點解，每隔一個時間就會想打邊爐，朋友介紹這間大煲皇煮廚，離地鐵站唔算遠～空間夠哂寬敞，無論三五知己一大班人圍威喂吹水，還是同另一伴烚烚下暖笠笠，都完全無問題～火鍋店有唔同調味料，有辣有唔辣，任君選擇～打邊爐有埋佐酒小食，花生一定係好好嘅選擇，好香口～啤酒、可樂係打邊爐嘅必點之選，但除此之外，其實大煲皇自家煲嘅竹蔗水都好值得推介俾大家，味道好清甜，又可以清熱～先黎一個冷盤，三文魚腩刺身，讚一大個！新鮮～魚油甘香～賣相都好靚～必叫之選～之後揀D蔬菜，服務員好貼心咁上左粟米先（其實上菜速度都好快），仲特登叫我地先放落去，令個湯更加清甜！響鈴卷，我諗10個香港人9個都會叫，夠哂大件，皮夠脆，拖一拖水就食得～湯底揀左鴛鴦湯底，響鈴卷索哂湯嘅鮮味，又可以試哂兩種味，掂啊！豬牛肉片都好嫩口，肥瘦適中，岩哂打邊爐，但又唔會好漏～同我食開嘅唔同，有驚喜！其實食完響鈴卷都好飽，但要食一定要食盡佢啦！叫埋豬頸肉，好爽，有咬口～魚都好嫩滑，骨唔算好多。呢間絕對可以ENCORE，性價比高，而且一大班人打邊爐好WARM好開心！…查看更多

最強組合：肥美刺身+美味鴛鴦鍋大煲皇煮廚有火鍋又有刺身～食火鍋熱辣辣，有埋刺身一定更好，一凍一熱，只可以講句「媽呀！好正！」火鍋店食刺身會唔會唔夠新鮮呢？⋯但又好想食，諗都無諗就叫左三文魚腩刺身。嘩！仲鮮味過壽司店，真係無誇張，夠新鮮，夠甘火鍋湯底、材料選擇多，岩哂鍾意唔同口味既人，有極品肥牛、海鮮，都有食開既配料，豐儉由人，選擇多多食火鍋，點少得調味料，每個都好乾淨，放心調配日本黑豚肉，同平時食開豬肉片完全唔同，厚身好多，但完全唔鞋口，啖啖肉望落就知靚野牛肉雪花分明，都係有別於一般肥牛，好有牛味，嫩滑，而且大大盤，性價比高牛肉係必點之選其他配料都非常新鮮，完全唔梅，豬頸肉、芝士獅子狗，正！我一個人食左8粒芝士獅子狗哈哈豬頸肉都好爽口魚皮又係一定要叫，大大碟，脆卜卜，正鍾意鴛鴦湯底，因為可以試哂唔同味，因為又為食又貪心湯底味精唔算重，一個係芫茜一個係沙爹，一個清一個濃中和返食到好飽好滿足服務員態度超好超殷勤，抵讚！…查看更多

8 點鐘，想打邊爐，又諗起大煲皇。坐低見唔到有「天仙配」張紙，問完一輪阿姐先摷返出來。唔通變左熟客先有得叫？點了「天仙配」 （即是 $338 包湯底加一份刺身：以前刺身係有一條細活魚的，今日無，得一份池魚）、細頂級本地牛肉、魚蛋、魚皮/響鈴雙拼、菜、一分泰式生蝦。啤酒妹妹在這裡好多年了，服務非常好，落單、攞豉油、攞茶、攞筷子碗碟，不為意以為她也是一個員工。咁好人，幫襯左兩支啤酒。食物保持水準，牛肉今日特別出色。埋單$850。ok 啦。離開時老闆透露，原來隔離舖也是他們的。見到裝修比較新（一般茶餐廳格局，但勝在座位比較寬），下次可以考慮坐隔離。…查看更多

天氣越來越凍，最好就是一大班人聚在一起食火鍋，今次我們幾個朋友去咗長沙灣那邊吃火鍋，餐廳位置方便，於是我們約在星期五放工後直接去！餐牌有許多不同款的食物可選，除了打邊爐，亦可選小菜和壽司🍣剌生！甘就可以一邊等火鍋食物熟，一邊吃住其他小菜等😋😋！湯底有許多款，我們選了女仕之愛的花膠雞湯鍋另外菜單上有很多款牛肉可選，等一次見到有咁多牛肉選擇！還有很多其他火鍋配料！海鮮好新鮮！我們等食火鍋之時，叫了客三文魚刺身，估唔到其實都好鮮味！推介之一，蝦丸，魚丸，牛肉丸🍡仲有許多海鮮併盤、各款牛肉⋯我們個個食到好飽，好滿足的一餐！…查看更多

與同事傾完野，幾個人一齊去食飯，同事話附近有間打邊爐食過覺得唔錯，我地幾個人就跟住一齊去。 打邊爐就係多人食最好，又唔洗諗咩菜式，岩哂我地用腦過度既人。 一坐下，同事就揸莊點左花膠魚翅雞煲，佢話168元，抵食足料又夠補，湯底清而味鮮，不油不膩夠健康，最岩我地班女人。湯滾時，我飲左一小碗，又真係好好飲， 幾鮮味。 花膠煮咗一陣已經夠軟熟， 亦都幾大塊幾厚身， 每一啖都好似食緊骨膠原落肚，真係好貴補， 唔怪得朋友極力推薦呢個湯底。喺等湯滾之時，我哋叫咗個炸響鈴做小食， 放上枱時係啱啱炸起，非常極度熱，點埋配製嘅酸醬，好惹味，薄脆又無油益味，一路食一路跌碎碎， 係嗰種好似食薯片食到唔停得口嘅感覺。食完個響鈴，先淥海蝦，隻隻都好新鮮，灼一灼就可以食得，味道鮮甜鮮甜，蝦頭又多膏，好本地手切肥牛，薄切但大片，牛肉味都幾重，係湯中飄20秒，又嫩又香。 同事要左大蜆，肉厚又鮮甜，無沙勁乾淨。 黑拍葉唔係太多地方有，雖然薄身，但只可以淥5~10秒，味道好爽。 野生竹笙，超大條，淥完之後仲勁長。 竹笙包裹著湯汁一齊食，又爽又甜又多汁，口感非常正我地每人叫了幾碟，都抵食，新鮮，唔怪得同事食過仲念念不忘! …查看更多

最近天氣涼涼地，去了朋友家附近的餐廳打邊爐，一間非常地道的街舖，走進去非常熱鬧，有點吵氣氛高漲，很有鄰里感覺。 價錢平民得來，食材非常新鮮，而且每碟份量都很足。 我們點了 魚翅花膠雞湯鍋 168元鮮味 花膠亦很大卷😘 滋補非常蝦滑併墨魚滑: 用料新鮮，好鮮味韮菜餃: 內涵非常飽滿，咬落去韮菜味好香牛丸: 是牛肉丸的味道，沒有粉感，結結實實的肉味。 肥牛:我們要了手切肥牛、手切頸脊肥牛兩種肥牛肉味都好重，好鮮嫩珊瑚蚌: 每條都好大綑，煮完爽口唔會咬唔開，無渣，新鮮十足。墨魚仔: 隻隻大細差不多，煮了亦唔會縮到蚊仔咁細，而且仲好爽滑難得這裏有大魚卜，比我的手掌還要大要長。放在湯中滾，浮起很有趣，味道也是爽爽滑滑的魚: 我們點了脆肉鯇、白鱔片如期中的味道蔬菜籃不是很大，但種類很多，看得見的新鮮總結一下: 我還是覺得湯底非常鮮味，用嚟碌爽脆的食材，把湯汁一起喝掉，鮮味無窮。食材新鮮、價錢平民、值得一去再去。 …查看更多

我朋友在長沙灣住了很多年，是地胆，也幫襯"大煲皇煮廚"很多次。因舊舖太好生意，在隔鄰擴充，這間座位比較舒適。在店有很多特色壁畫，可以一面食野一面欣賞感受一下藝術氣息。沙嗲鸳鸯鍋湯底，有沙嗲、芫茜、皮蛋，沙嗲味香濃！本地新鮮手切牛肉好正，好軟，好嫩滑，入口即溶化，好有牛味。野菌什菜盆, 各種唔同蔬菜可以免去揀選蔬菜的煩惱。招牌三宝丸，好彈牙，必食推介。鯇魚片非常新鮮，放在湯底滾起食時，魚片不容易散開方便盛起食。太好味，唔夠喉，再叫多一碟日本手切牛頸脊肉！…查看更多

冬天凍冰冰真係要開始打邊爐啦之前都成日黎呢度打邊爐，冬天第一次梗係要黎啦！一開始就調好醬料先，我每次都放好多辣椒，呢度有紅色同綠色辣椒溝埋，真係好正喔:)以打邊爐黎講，呢度都算坐得好舒服，又有電視睇，周圍食客唔會太嘈。呢度配料好多選擇，基本上係齊全啊！而且個價錢唔貴，又夠大份！我地3個人選⬅️幾樣，唔夠食再叫！開波啦！哇，好豐富啊！湯底選了兩樣，沙爹同原西湯，兩個都好出色原西真係好多料，唔係hea架！響鈴即炸夠晒脆！到庭烏冬有兩個，真係好多手打鮮蝦丸就最正！真係全部蝦肉全晚係呢個黑百葉最出色，之前好少食到黑色既百葉，今次第一次食，發現爽口過平時既好多，而且感覺上好原汁原味。最後埋單一人大概$200，都抵食！…查看更多