新南苑私房菜火鍋鷄煲 (海德中心) (已結業)

最近天氣開始轉涼，今天天陰下雨更是覺得陰涼，剛好星期日晚上大家都無節目，於是就到了灣仔新南苑打邊爐。八點多到達，發現原來九點半後就是貓頭鷹時段，$222/位打邊爐，免加一、前菜和醬油。。。但大家都餓了，於是就不等貓頭鷹時段了！ 這裡的收費是$278/位，先食雞煲，然後有海鮮拼盤，本地手切牛， 30幾款火鍋料任食打邊爐，當然亦有無限供應的飲品。 一開始先有牛肉串燒，味道微辣，幾惹味! 然後侍應拿來雞煲，一開始已經聞到好香的味道! 雖然個雞煲已經煮好一大半先上，不過侍應都說要每兩分鐘搞一次，搞三次再食最好味得!另外有一兜油炸鬼，放落雞煲一齊煮，非常吸味，正！ 雞件啖啖肉的，嫩滑又入味，雖然只是要小辣，不過滾下滾下會愈來愈麻辣!我們一邊搞拌雞煲一邊食，又掛住高談闊論，竟然無幫雞煲影相吃完1round雞煲，侍應說可以再添的，不過我們已心思思想吃有海鮮和打邊爐了。 接著換上打邊爐煲，我們點了澳門豬骨濃湯底，湯料好多，有隻可愛的冰鴨仔! 然後鴨仔慢慢就溶掉了 豬骨濃湯底不算太濃味，但亦夠咸帶胡椒味。 海鮮拼盤有七款海鮮 有龍蝦、蟶子、鮑魚、海蝦、大蜆、魚片，非常豐富最吸引大家的當然是龍蝦和鮑魚，用