海鮮鍋豬骨豆腐湯夠晒清，餸料都係嗰啲嘢，份量好夠食。有魚腐，wasabi火腿丸，手打肉丸、魚片頭、腐皮、兩粒迷你餃、一碟肥牛、兩片石斑、魷魚、一隻蝦、南瓜、生菜、米線、烏冬、本菇、炸魚皮。
肥牛有啲羶。海鮮嗰幾樣，無樣好食。蝦🦐有黑色腸 😩 石斑魚唔新鮮，雪到冰咁，食落仲幾腥.. 😖 魷魚條骨仲原條喺度，令人驚嘆。而其他，好彩，都好食嘅。
另一個雙牛鍋要左蕃茄湯。料無左海鮮，變多碟肥牛。肥牛真係好肥，差少少成塊係白色 😂 雖然都係唔太新鮮，但都食得過嘅。。。okay嘅～
食火鍋點少得降溫汽水？！嗌凍檸樂飲 👍🏻 多冰夠凍又多汽。
