上海會館

营业中

休息中

又到左食大閘蟹嘅旺季，見到呢間上海會館有蟹粉餐牌🦀，去試下先😋🦀蟹粉小籠包一咬開勁多湯汁，食得出有唔少蟹粉，配上豬肉，非常鮮味。🦀蟹粉翡翠菜苗菜苗新鮮爽口，配上甘甜嘅蟹粉，好滋味。🥢生煎包 包皮鬆軟，底部脆卜卜， 餡料豐富。🥢紅油抄手辣辣地好開胃一口一粒，食唔停口。🥢水晶肴肉囡囡最愛，佢鍾意有啲似果凍嘅質感，係冰涼前菜。😍🥤野生黑杞子菊花茶 黑杞子非常有益，抗氧能力高， 配菊花明目👍🥤熱豆漿 少少甜，豆香濃郁。🍩甜品 ：紅糖糍粑 囡囡鍾意食，外層脆卜卜，內裏煙韌。擂沙湯圓芝麻餡料，香甜煙韌。