影片
以上资料只供参考，请与餐厅确认详情
上菜好慢（净系听到厨房佬同女侍应系咁吹水。女侍应冇礼貌，上菜时黑面。上菜时，菜不是放置在枱中间，就咁放枱边，要自己放番枱中间。上锅贴时，就咁畀只吉嘅酱油碟，冇畀醋。我张枱又冇醋，要我地自己去揾支醋。楼上坐嘅位置，冷气直吹住个头，好冻，头都痛。已经反映好冻，个女侍应话已经系21度，一阵上菜会热。 我想讲我个饭同菜，续个慢慢上，都吹到冻晒！冇热过！咁嘅服务，仲要收加一。锅贴同芋头鸡煲系几好食嘅，但用餐体验咁差，唔会再去。
继续阅读
行过东大街想食个便饭就行左入嚟见到装修都唔差图片又吸引以为冇伏点知食完之后觉得非常一般虽然就话嗌嘅嘢都唔系特别算上海菜，但系都觉得唔算正宗首先我地两个人嗌左三道𩠌埋单286，但系份量少到两个人都食唔饱第一道：避风塘鸡翼啲蒜头未炸透完全唔入味第二道：小辣既酸菜鱼大失所望份量唔多 剩系得一堆豆芽加咗$20宽粉，结果捞嚟捞去得𠮶几条第三道：小棠菜正正常常冇嘢好讲但系份量实在太少重点系食到一半仲要听到隔离顾客同个员工讲话啲𩠌好难食🤨
继续阅读
上星期日，本着留港消费，支持香港经济💪🏻💪🏻💪🏻，所以开车去东大街食晏，过往主要食鱼蛋粉，但系已食得太多！见到一间叫‘上海会馆’嘅上海食店，就抱着一个喜悦嘅心情入去食嘢！入到去后，感觉不良好，每一个服务员，没有第一点笑容及反应，但系已经坐低，唯有叫咗三碗面、油伴春笋及小笼饱，点餐时间为2:45，大约半个小时之后，首先嚟嘅系油伴春笋，之后就系小笼包，首先要讲嘅所谓春笋应该系‘ 老笋’ ，超过一半系咬唔开，本着体谅及包容嘅态度，没有半点投诉嘅想法，之后小笼包到啦，一睇就知道系超级市场货式，一咬落去全中，仲有一点油膱的味道！之后我哋足足等咗30分钟，完全冇到过食物，期间其他枱嘅食客都不断催促，有一台行山客，十分之生气，话等咗一个钟乜嘢都冇，咁我哋都去催促，侍应回覆话楼上好多订单，你哋要等吓，有一啲老街坊食客，即刻就话你楼上根本都冇开，何来有订单呢？侍应毫不理会，大约再过15分钟后，只有两碗面到咗，我哋总共叫咗三碗，之后同服务员沟通，佢话再查吓，当然态度都系唔太好，先让太太及儿子先进食，不竟已经3:30PM, 我哋点嘅系排骨担担面，面质系超腍🥶、汤完全冇担担嘅味道😓，只系有花生酱味道而巳，所谓嘅排骨，非常严重嘅雪藏味道，冇办法，已经中伏！因为已经落单，费事俾人话我哋无赖，再三追问，第三碗几时到，已经过一个多小时，服务员话再跟进！其实我最主要表达嘅唔系食物质素，因为完全冇质素可言，而系应该有嘅服务态度或经营者的良心，香港经济已经不甚乐观，作为香港人嘅一部份，我哋都支持本土经济，但系有一啲食肆无论老板及服务员，都系不求改进，依然故我，以为自己系救世主，你入嚟食嘢系求我施舍你，完全唔会反省，所以我哋奉劝各位消费者，都要支持一啲有责任、有良心嘅食肆！
继续阅读
喺筲箕湾睇完戏，路经，俾佢嘅装修吸引，就走入去试吓。我们叫了小碗酸辣汤，好味嘅，多料，不过就有啲咸。小笼包就普通啦，好大嚿肉里面冇乜汤汁😂 同埋叫咗特价乳鸽，一般。整体冇乜特别。
继续阅读
点了一个二人套餐，两汤两食送，分别系葱爆牛肉同糖醋鱼块，两饭一甜品。 另外叫一个蒜蓉炒菜心。点餐后，侍应问我地要菜饭定白饭，咁我地话要菜饭。埋单后，发现每个菜饭收$12。 但餐牌冇讲，侍应问我哋时候亦都冇话俾我听有价格分别。我哋之后同侍应讲，佢话佢哋菜饭系另外加钱，唔肯退钱。其实咁样有冇违反商品说明条例？另外，所有𩠌都好咸，尤其是个蒜蓉炒菜心好似食紧啲盐落口咁…. 唉😮💨就系咁俾佢糟蹋咗一个难得可以轻松出外食下饭晚星期六晚上….最后埋单$406就系食咗啲咁既野……. 好咸呀，要去饮番杯水先……
继续阅读