影片
更多
2024-11-07
79 浏览
秋冬盛產我鐘情嘅海鮮，好值得食返餐omakase過足口癮。太刀魚卷包左牛蒡同蘿蔔漬物，口感同味道都好豐富。 鯛魚明太子一條條有咸香、岩餸酒，栗子甘露煮軟糯香甜。再黎一碗熱湯，菇味好香濃。和歌山石斑清而不淡，點左醋汁依然食到清甜嘅魚味。間八睇落似油甘魚但食落完全唔同，魚油多到僅次拖羅。甘海老鮮艷誘人，好似放大版嘅甜版咁，蝦味好濃。北寄貝、水八爪魚同白見貝係口感三重奏，由偏軟滑爽身，去到越黎越爽脆。 當中白見貝留下最深印象，界乎貝類同鮑魚之間嘅口感，超級甜。師傅話每年得兩三個月食到靚筋子，輕輕醃過配蘿蔔蓉一齊食唔會太咸，筋子好有彈性，非常新鮮。目光魚唐揚同炸蝦丸體現到師傅炸物嘅功架，一啲都唔油膩好乾爽，兩款都只係上左薄薄嘅粉，目光魚酥脆魚頭好香，蝦丸滑溜。 炸白蝦細細隻，同平時魚仔零食異曲同工，食唔停口。壽司款式組合我覺得都幾完整，濃淡同唔同口感都有齊。 較濃味嘅關鯖同秋刀魚入口帶爽有彈性，有獨特嘅魚味但完全唔會腥。金目鯛軟滑之中感受到魚皮嘅彈性，獨特嘅鯛魚香同油脂好突出。帆立貝拎上手已經覺得好軟，香甜幼滑，入口即融。魷魚爽滑一啲都唔粉，好新鮮。中拖羅同大拖羅都係我同朋友嘅心頭好，魚油豐盈
太刀魚卷包左牛蒡同蘿蔔漬物，口感同味道都好豐富。 鯛魚明太子一條條有咸香、岩餸酒，栗子甘露煮軟糯香甜。
再黎一碗熱湯，菇味好香濃。
和歌山石斑清而不淡，點左醋汁依然食到清甜嘅魚味。
間八睇落似油甘魚但食落完全唔同，魚油多到僅次拖羅。
甘海老鮮艷誘人，好似放大版嘅甜版咁，蝦味好濃。
北寄貝、水八爪魚同白見貝係口感三重奏，由偏軟滑爽身，去到越黎越爽脆。 當中白見貝留下最深印象，界乎貝類同鮑魚之間嘅口感，超級甜。
師傅話每年得兩三個月食到靚筋子，輕輕醃過配蘿蔔蓉一齊食唔會太咸，筋子好有彈性，非常新鮮。
目光魚唐揚同炸蝦丸體現到師傅炸物嘅功架，一啲都唔油膩好乾爽，兩款都只係上左薄薄嘅粉，目光魚酥脆魚頭好香，蝦丸滑溜。 炸白蝦細細隻，同平時魚仔零食異曲同工，食唔停口。
壽司款式組合我覺得都幾完整，濃淡同唔同口感都有齊。 較濃味嘅關鯖同秋刀魚入口帶爽有彈性，有獨特嘅魚味但完全唔會腥。
金目鯛軟滑之中感受到魚皮嘅彈性，獨特嘅鯛魚香同油脂好突出。
帆立貝拎上手已經覺得好軟，香甜幼滑，入口即融。
魷魚爽滑一啲都唔粉，好新鮮。
中拖羅同大拖羅都係我同朋友嘅心頭好，魚油豐盈又軟滑，滿足到要合埋眼仔細品味。
赤身係醬油漬做法，鮮度同日本小店比依然有天淵之別，食得出係最中心嘅位置好幼嫩。
厚岸海膽成排咁上，壽司飯同紫菜都完全冇沖淡到個鮮味，齒頰留香。
甜品有自家製南瓜蛋糕，天然滑甜，蜜瓜爆甜。
张贴
