影片
更多
2012-10-24
188 浏览
最近每次上黎 Openrice 都見到有元氣新產品o既廣告彈出黎 , 今日一於去試下返到黎大角咀 , 見門口無左條長龍 ? 原來新添置左一部自助取票o既機 ,好似一風堂o個部咁 , 自己輸入人數 , 留低電話 , 到差唔多有位o既時候系統會有電話錄音致電閣下 , 通知你將會o係幾多分鐘內有位 , 可以返黎門外等呢個係我見證住元氣壽司o既進步 , 以前係連飛都無得拎自己排隊等o家咋等左大約五分鐘左右就有位 , 坐有輪轉o既卡位 , 不過我地全部都係落單o既秋之味覺中揀左幾樣野黎試 , 而大部份都係食返我地每次元氣o既必點品 ~秋之味覺 : 1. 煙燻鯖魚壽司~ 好香o既煙燻味 , 但係就無魚味 , 都係煙三文魚入口比較香口肥美 , 而鯖魚用呢個方法整 , 始終不及用醋醃或者熟食如鹽燒 , 而家咁樣有 d 浪費2. 松葉蟹棒壽司~ 係秋之味覺o既主角 , 蟹棒係好大條但唔夠肥腴 , 蟹味較淡 , 而且仲帶有微腥o既海水味 , 好在都唔算太過咸 , 不過 $ 22 真係唔抵食反而食皇帝蟹棒或者大o個隻蟹柳壽司 , 仲更加鮮甜 , 肉質都無咁鬆散3. 大學芋~ 即日式甜薯 , 好香好夠粉 ,
返到黎大角咀 , 見門口無左條長龍 ? 原來新添置左一部自助取票o既機 ,好似一風堂o個部咁 , 自己輸入人數 , 留低電話 , 到差唔多有位o既時候
系統會有電話錄音致電閣下 , 通知你將會o係幾多分鐘內有位 , 可以返黎門外等
呢個係我見證住元氣壽司o既進步 , 以前係連飛都無得拎自己排隊等o家咋
等左大約五分鐘左右就有位 , 坐有輪轉o既卡位 , 不過我地全部都係落單o既
秋之味覺中揀左幾樣野黎試 , 而大部份都係食返我地每次元氣o既必點品 ~
秋之味覺 : 1. 煙燻鯖魚壽司
~ 好香o既煙燻味 , 但係就無魚味 , 都係煙三文魚入口比較香口肥美 , 而鯖魚用呢個方法整 , 始終不及用醋醃或者熟食如鹽燒 , 而家咁樣有 d 浪費
2. 松葉蟹棒壽司
~ 係秋之味覺o既主角 , 蟹棒係好大條但唔夠肥腴 , 蟹味較淡 ,
而且仲帶有微腥o既海水味 , 好在都唔算太過咸 , 不過 $ 22 真係唔抵食
反而食皇帝蟹棒或者大o個隻蟹柳壽司 , 仲更加鮮甜 , 肉質都無咁鬆散
3. 大學芋
~ 即日式甜薯 , 好香好夠粉 , 有佢本身o既蜜甜 , 再加上適量o既糖漿 , 因為放過落雪櫃o既關係 , 甜薯夾起黎糖漿有拔絲o既效果 , 好好食 !!
外層炸過 , 好似有少少脆口咁 , 甜漿黏而不痴 , 加埋少少黑芝麻 , 係一個真得推介o既餐後小甜點 , 不妨留下少許胃納品嚐一下 ~
元氣必點 :
1. 軟殼蟹手卷
~ 當日遇上新鮮炸起o既軟殼蟹 , 壽司飯微暖 , 簡直香脆可口
2. 辣味三文魚軍艦~ 食過咁多壽司店都覺得元氣o既辣味三文魚係最好味o既 ,
將沙律醬 , 洋蔥 , 辣椒油混入三文魚碎 , 香辣惹味 , 意想不到咁夾
3. 元氣卷
~ 元氣獨家卷物 , 內有青瓜同炸魚皮 , 又爽口又香脆 ,
一碟三件 , 每件都披上一片三文魚 , 計落都幾抵食o家
4. 日式燉蛋
~ 每次黎元氣都起碼要食一個 , 有蟹柳 , 冬菇 , 素翅 , 日式魚旦 ,
好足料好好味 , 蛋漿又香又滑 , 熱辣辣上枱 , 食到雪雪聲至最滋味 ~
5. 赤海蝦刺身~ 暫時o係各間分店食過咁多, 都能夠保持水準 , 一碟 4 隻 ,
肥美甘甜 , 介乎o係彈牙與漿口之間 , 一口咬下 , 鮮味滿腔
6. 灸燒左口魚邊壽司~ 一向鍾意食灸燒系列 , 黑椒三文魚 , 熟蝦通通食過好幾次 ,
然後有一次就揀左左口魚邊諗住試下 , 一試我地都愛上左佢
輕輕燒過後裙邊變得軟綿 , 油份更滲入壽司飯裏面 , 濃香味美
是日初嚐 : 1. 洋風煙三文魚腩壽司
~ 本身我都幾鐘意食洋風三文魚 , 見出左煙三文魚 , 就叫黎試下洋風味道帶酸 , 有 d 似沙律醋汁 , 配上清甜o既洋, 係幾有特色
但因為煙三文魚本身o既咸味同煙燻味較重 , 有少少喧賓奪主
2. 炸池魚壽司
~ 可能因為唔係新鮮炸起 , 池魚有 d 腥 , 不過肉質好綿滑 ,
炸粉夠薄 , 雖然唔熱但係都無一陣油味 , $ 9 黎講都可以一試
## 總括呢一餐都幾滿足 , 雖然新品們都無乜太大驚喜 ,
但其他野都不失水準 , 另外想提一提 , 元氣 menu 個海膽 ...
其實係咪可以刪左佢 ? 我近五六次去間間分店都話無貨o既 ?
张贴
