湯煲私房火鍋 (已結業)

想起好耐無打邊爐，便相約朋友今晚去打個邊爐。剛巧見到上環原來新開咗一間主打高質食材的湯煲私房火鍋，就打電話訂位。餐廳裝修新淨簡約，鋪面不算太大，有五六張四人檯同一張大檯等，有良好的抽風系統，唔會聞到湯底味。餐廳提供多達九款醬料，其中蟹醬是餐廳特製的，用料雖然無用蟹，但用上多種蝦的蝦肉同蝦殼來整成，味道濃郁惹味。清香椰子雞煲香港有不少火鍋店都有椰子雞煲，不過還是第一次飲到咁鮮甜的湯底，湯底用上即開新鮮椰青的椰子水，再落雞肉煮一陣，雞肉嫩滑鮮甜，吸收晒椰青水精華，帶有清新感。頂級本地手切牛，牛頸脊師傅介紹餐廳係用本地上等的手切牛肉，肉質特別嫩滑，呈鮮紅色，雪花油脂分佈平均，煮三秒就可以食，入口軟稔鮮甜，牛肉味濃郁。西班牙橡果豬梅肉這款西班牙豬係食橡果長大的，肉質帶有橡子香味，脂肪味香濃，切得透薄，入口香氣散發。自家製蝦丸自家手打蝦丸，用料十分足，幾乎成粒都係蝦肉，彈牙爽滑，蝦味鮮甜濃郁。自家製豬肉丸豬肉丸肉質較結實，有蔥粒調味，鮮甜多汁，咬落爽口滑溜，肥瘦適中。阿根廷墨魚滑墨魚滑上碟賣相吸引，白色通透，用一條8斤幾重的阿根廷墨魚肉打成，起膠彈牙，咬落鮮甜嫩滑，墨魚味香濃。