影片
更多
2019-05-27
483 浏览
餐廳喺尖沙咀嘉蘭圍，經過潮人必識嘅利時商場再行入去就唔難搵到。 平日夜晚嗰頭雖然人流唔多，但餐廳都已經坐咗唔少客人。嚟得蠔灣，每枱客人都會食生蠔+海鮮拼盤。 呢度仲可以Make your own seafood platter，揀自己鍾意嘅生蠔海鮮製成拼盤，一大班人一齊開心食或者自己一個慢慢嘆都得。 呢度嘅生蠔款式都幾多，法國同其他國家嘅蠔都有，唔識揀可以由店員揸fit。【Honey Point x 2 ($32/隻); Lambert x 2 ($49/隻); Majestic x 2 ($49/隻); La Perle Noire x 2 ($39/隻); Masse x 2 $33/隻; Gillardeau x 2 $39/隻】。 放入口先感受到一陣冰涼，再滑入口腔慢慢嗒真啲，唔同款式嘅蠔味道都唔同，有啲就海水味重，有啲就濃濃嘅回甘、新鮮，口感同樣爽脆。【北海道帶子$38/隻】大大粒而且口感綿密，好似同粒帶子kiss緊咁，味道非常鮮味。【地中海紅蝦$78/隻】爽嫩紅蝦帶點膠質，蝦頭仲有好多蝦膏，正爆~【活海膽$168】之前食海膽都係一板一板咁上，活海膽真係第一次食。
嚟得蠔灣，每枱客人都會食生蠔+海鮮拼盤。 呢度仲可以Make your own seafood platter，揀自己鍾意嘅生蠔海鮮製成拼盤，一大班人一齊開心食或者自己一個慢慢嘆都得。
呢度嘅生蠔款式都幾多，法國同其他國家嘅蠔都有，唔識揀可以由店員揸fit。
【Honey Point x 2 ($32/隻); Lambert x 2 ($49/隻); Majestic x 2 ($49/隻); La Perle Noire x 2 ($39/隻); Masse x 2 $33/隻; Gillardeau x 2 $39/隻】。 放入口先感受到一陣冰涼，再滑入口腔慢慢嗒真啲，唔同款式嘅蠔味道都唔同，有啲就海水味重，有啲就濃濃嘅回甘、新鮮，口感同樣爽脆。
【北海道帶子$38/隻】大大粒而且口感綿密，好似同粒帶子kiss緊咁，味道非常鮮味。
【地中海紅蝦$78/隻】爽嫩紅蝦帶點膠質，蝦頭仲有好多蝦膏，正爆~
【活海膽$168】之前食海膽都係一板一板咁上，活海膽真係第一次食。 原來味道口感可以咁大分別，鮮味倍增，口感帶爽，感覺好似喺海邊吹住海風食緊咁。
【清酒蒜蓉煮活蜆湯$168】 品嚐完冰涼嘅海鮮要食返啲熱食。
先飲啖熱湯，蒜蓉味足夠不過清酒味稍嫌唔夠突出。
活蜆採用托托蜆，大隻到可以用巨蜆去形容。
我就用蜆殼去撈啲湯再連蜆一齊食，惹味中帶鮮甜，大隻得嚟又夠爽口，好滿足~
【焗西班牙黑毛豬扒$298】淋上松露醬嘅西班牙黑毛豬扒，外皮帶脆肉質嫩滑； 油脂豐富，食落同時有肉香加油香。 豬扒已經切好成一條條，方便share大家食。 配菜仲有番茄仔同沙律菜，中和一下油膩感。
【松露蟹肉意大利飯$218(細)】意大利飯煮得軟硬適中，落咗好多松露醬啖啖都係松露味，除咗蟹肉仲有洋蔥同菇菌，豐富味道層次。 叫咗個細size但份量都唔少。
张贴
