影片
更多
2018-10-14
32 浏览
尋晚陪老公去黃金買嘢之後周圍搵嘢食，見多數都係茶餐廳同街坊小廚，俾我見到呢間四正西餐就走咗入去。餐廳有情調，佈置好有特色。職員有禮貌，會自動自覺加水。所有主菜加20蚊都會有湯，飲品同甜品。咁抵梗係加啦~是日餐湯係海鮮雜菜湯。有啲南瓜味又有啲蕃茄味。仲有一粒粒海鮮碎，幾特別。炭燒澳洲豬鞍扒配蘋果蓉汁($168)。豬鞍好香炭燒味，好軟熟好juicy，就咁食都好好食，配埋甜甜地嘅蘋果蓉就更加分喇~仲有香滑薯蓉同配菜，唔怪得之係廚師推介。藍芝士合桃蘋果意大利飯($98)。飯粒軟硬適中，入面有蘋果粒同洋蔥粒，成碟充滿住溶咗嘅藍芝士，好濃郁。是日甜品係芒果芝士蛋糕。蛋糕軟滑，唔會太甜，食到有芒果粒。細細件啱啱好。見到隔離枱啲甜品好靚，下次會試下。餐茶叫咗熱檸水同熱咖啡，不過不失。總結係，餐廳好坐，擺盤吸引，食物高質，值得返食。
餐廳有情調，佈置好有特色。職員有禮貌，會自動自覺加水。所有主菜加20蚊都會有湯，飲品同甜品。咁抵梗係加啦~
是日餐湯係海鮮雜菜湯。有啲南瓜味又有啲蕃茄味。仲有一粒粒海鮮碎，幾特別。
炭燒澳洲豬鞍扒配蘋果蓉汁($168)。豬鞍好香炭燒味，好軟熟好juicy，就咁食都好好食，配埋甜甜地嘅蘋果蓉就更加分喇~仲有香滑薯蓉同配菜，唔怪得之係廚師推介。
藍芝士合桃蘋果意大利飯($98)。飯粒軟硬適中，入面有蘋果粒同洋蔥粒，成碟充滿住溶咗嘅藍芝士，好濃郁。
是日甜品係芒果芝士蛋糕。蛋糕軟滑，唔會太甜，食到有芒果粒。細細件啱啱好。見到隔離枱啲甜品好靚，下次會試下。
餐茶叫咗熱檸水同熱咖啡，不過不失。
總結係，餐廳好坐，擺盤吸引，食物高質，值得返食。
张贴
