炊豕店 (加路連山道) (已結業)

好掛住佢個炸豬扒，見今日無咁忙就特登去食Menu 其實唔算太多選擇，主要都係豬肉做主角豬扒都有幾款，主要都係唔同醬汁嘅配搭通常我都會揀肉燥汁，其實佢個葱油都好好食，但係我就唔係咁鍾意佢淋上面，因為會整淋件豬扒，肉燥會禾稈冚珍珠咁收埋喺豬扒下面，唔會浸淋件脆卜卜嘅豬扒豬扒依舊成個碗咁大件，仲要成寸厚，炸得外脆內嫩，炸衣乾身唔會厚，唔會食到成口油另外有一點我好欣賞嘅就係佢有少飯減一蚊，其實佢件豬扒咁厚咁大件少飯都真係好夠飽，平少少又唔洗浪費食物，非常好👍🏻