一福 (已結業)

今日同朋友係黃金商場買完電腦零件，黎到福榮街，見到呢間日本料理餐廳：一福。門面已經好日式，門口menu都好吸引，鋪面乾淨企理。見到3款小食只需$99，比起單點真係好抵。⭐和牛薯餅：炸得熱香脆 餡料有牛肉味⭐火炙鮭魚沙律：火炙過既三文魚有種獨特香味 厚切又肥美 沙律配上醋汁 好開胃⭐海膽蒸蛋：火候岩岩好 蒸蛋嫩滑 仲有冬菇片 雞肉 同海膽仲點左好多壽司🍣，睇下幾大碟，我同朋友真係好鍾意食壽司✨。各款壽司都用左有顏色既醋黎整壽司飯，仲貼心咁預先放芥末係飯上面。點左鮭壽司、鮭腩壽司、北寄貝壽司、珍寶蟹棒壽司，飛魚仔軍艦、芥辣八爪魚軍艦，食材新鮮，都係廚師即整ga。火炙鮭壽司 火炙皇帝蟹棒壽司有淡淡火炙味 蟹棒真係超厚身又大條！好鮮甜！鮭魚忌廉芝士卷 一碟6個，每個裡面都有蟹棒同芝士，增加飽腹感，壽司卷上有魚子，入口爆汁好正。甜品拼盤最吸引，有蜜瓜雪糕、朱古力心太軟、和果子、奶凍同cheese cake。日式梳乎厘軟雪糕，出乎意料好食吖，唔係平時食既空氣質感，而且有濃郁既蛋香味！再加上甜絲絲既蜜糖，真係覺得好幸福吖。而牛乳8.0亦非常唔錯，香滑奶味好出，同梳乎厘好夾。