影片
一入餐厅在座只有一台，但系唔想缩沙， 顶硬上，四片既油甘鱼刺身 $49 ，卖相可以，唔算好厚切，味道一般，无雪味鲜味，如果唔讲，唔知食紧咩。火炙左口鱼同三文鱼尚可，卖相可以，油脂味都有既，呢三款寿司叫做正常发挥。炸软壳蟹卷，真系哗一声呀，深水埗既食肆，$59 既价钱，竟然系青瓜小卷既尺寸？？？仲要蟹籽好似艺术家作品咁，左一忽，右一忽，咁随性既。软壳蟹少到全部好似缩晒沙。我真系未试过食过咁细卷既，亦从来未食过咁求其发挥既，普通回转寿司店都有心过佢。好彩醒目无一次过叫太多野食，食完就拿拿声走人去扫街填肚。
继续阅读
之前平均一个月都去两次食晏，深水埗黎讲120-150lunch 都算贵，但quality 系值嘅！上星期wfh 想食寿司就胆粗粗落街，发现佢哋休息，明白嘅，政府啲政策系会对饮食业有好大影响。所以今日想去撑一下，但系真心失望。本来个高质的寿司午餐变咗，明明有10多件厚切鱼生变左得返几件迷你寿司加个迷你小乌冬。本来最钟意佢哋用Brown rice 整寿司，佢哋竟然话因为有客话太酸所以转左个饭，其实酸咪落少啲醋啰，关个饭咩事姐？解释唔通我宁愿你话转左师傅算啦！其实我觉得最奇怪就系，除咗个寿司午餐，我哋都有散嗌啲寿司，寿司竟然可以落单后分零2分钟上枱，我觉得啲饭系预先Chaw好，鱼生系已经切好，落单就将佢哋切埋一齐，感觉好唔新鲜，亦都唔值呢个价钱！唯一一件佢系即刻整嘅寿司系个软壳蟹卷，亦都系今次最最最最最最最失望嘅一碟，唔叫唔知佢啲手势咁好，可以将软壳蟹卷造成青瓜卷嘅大细。讲唔出嘅失望，睇相啦！成餐饭连影相嘅意欲都冇，唯一影咗就系个迷你软壳蟹卷，实在太精致啦！整件事觉得去争鲜寿司食都冇咁嬲，lunch 二百几蚊系争鲜寿司食到济都得啊！
继续阅读
今日去咗一福食晏，其实嚟过几次，觉得呢度坐得舒服，食物质素都唔错，所以今日想食日本菜就想起呢度。呢度嘅午市套餐都唔算贵，价钱由$65至$125都有，视乎你点拣。一般套餐嘅小食系炸鸡，总共有两件，其实可以连埋丼饭一齐食当加𩠌都得。呢个慢煮牛肋肉味道和风得来又带点中式炆牛腩嘅味道，反正炆牛腩亦都属于慢煮嘅一种，所以相似度都好高，我最钟意佢嘅牛肉够淋身，萝卜亦都超入味，正！寿喜烧嘅阵容相当丰富，所以我觉得呢个价钱来讲其实系抵食嘅！牛肉片铺满了整个锅。除咗牛肉之外，仲有菜、金菇、冬菇、豆腐等，相当丰富，配埋白饭食得饱饱！寿喜烧同日替定食嘅餐前小食系三片三文鱼刺身，非常新鲜。呢日嘅日替定食系生姜豚肉烧，酱汁有微微嘅生姜味，而且有大量嘅豚肉，上面洒满葱花，食起上嚟非常开胃。以深水埗区来讲，呢间日本餐厅都算系区内中上嘅选择，所以如果想坐得舒舒服服，可以考虑吓呢度！
继续阅读
朋友热烈推介嘅深水埗日本餐厅🤣好彩都早嚟，唔洗点样等有好多都想食，但耐何两个人，可以试嘅嘢都有限最后叫咗个2人餐，好似包含最多大家都想食嘅嘢😂朋友叫咗杯白桃果酒，我就叫咗杯梅酒咁嘅贵钱但咁细杯，好似有啲唔太抵我同朋友本身谂住一齐Share一杯，但之后觉得会唔够饮，所以我又叫多咗一杯前菜有牛油果三文鱼凯撒沙律牛油果切到好细粒而且份量唔算多三文鱼唔太新鲜成个沙律感觉有过多沙律酱𩽾𩾌鱼肝八爪鱼酢渍朋友热烈推介又 真 系 几 好 食 ！ 好香，有一种好熟悉嘅味道，但又讲唔岀系咩味，总之好好味，食完个口重会有阵鱼肝嘅香味系度一式两份嘅寿司北海道海胆鲜甜，唔会有腥味拖罗够肥美芒果花之恋真系第一次食，芒果岀奇地同三文鱼好夹，2个都系滑滑嘅口感，加埋又有啲芒果嘅甜香，特别刺身方面有活赤贝，生蚝，特丹虾，三文鱼同缟鲹全部都新鲜肥美嫩鸡豆乳锅唔好睇佢细细锅，原来都好足料下忍唔住饮咗好多汤，但之后都唔会话好颈渴，呢个抵赞蟹肉茶碗蒸不过不失最后食埋个甜品就满足哂了
继续阅读
⚠️⚠️本人在此郑重希望店铺谨慎处理食材，严格把关卫生情况⚠️⚠️数日前，我系呢度食完晚餐，食完冇耐系餐厅已经开始搅肚痛，一开始冇为意，离开餐厅后冇耐开始发冷、腹痛、作呕、然后搅肚痛腹泻。返到屋企开始全身⚠️骨痛、呕、发高烧，烧左1日1夜，2日都返唔到工⚠️😭😭😭睇完医生，话我系食错野⚠️急性肠胃炎⚠️。其实餐厅食物味道本身已经强差人意，仲要食完咁样病几日真系好唔抵，直到退烧后2、3日先可以慢慢食到白粥以外嘅嘢。所以呢篇文主要系想提醒店主，刺身呢d食材要特别慎重处理，味道都其次，食坏人真系无法忍受。到食物味道啦！真系不堪入口！本身嚟呢间餐厅系听闻此身平得嚟新鲜。结果 一d 都唔平亦一d 都唔新鲜！油甘鱼腩好腥！当见到深红色𠮶part 就深感不妙，果然入口就食到强烈腥味，落好多wasabi 都掩盖唔到。油甘鱼鱼腩理论上咁厚应该有一定油脂香味同质感柔软，结果唔柔软、唔鲜甜、冇油脂。🤮呢个海鲜丼真系今晚最大伏！$268加一😰🔻首先全部刺身都系薄切到一个极点！尽现师傅刀工🔪🔻其次，食材配搭真系完全大乱斗，一堆浓味食材铺系刺身上，一来就算拨开都已经破坏刺身原本味道，二来明太子真系死咸到苦，而蟹膏偏咸腥，摆埋一齐味道更加互相影响🤢🤢🔻最后就系，刺身嚟讲真系争鲜级数，例如：蟹钳肉质松散、霉；带子冇甜味，口感似啫喱；全部刺身当中只有贝类食到些少甜味，左口鱼裙边都有油香，口感都ok，海胆就一粒甜一粒普通。同埋好少可见日本餐厅提供嘅系水而唔系热茶。🧐最后，再次希望餐厅谨慎处理食材，保证食材干净卫生，希望我嘅情况只系一个半个个别例子。同埋都希望餐厅提供翻d 合乎价格品质嘅食物。☹️🙏🏻⚠️本人生病不适之情况句句属实，有医生诊断及朋友作证。食物味道乃个人主观感受，只供参考。⚠️
继续阅读