金豪酒家 (已結業)

大夥兒食飯總係難搵著落，呢個時候最幫得手就係中菜，勝在夠熱鬧又易傾計，但要好食又有特色就真係難搵，今次試過呢間真係值得推介。冰鎮涼瓜，清清地既涼瓜味，加埋話海清香，消暑佳品。同樣係以話梅浸泡，但相比之下，車厘茄就顯得更多汁同清甜。米網蝦春卷炸得幾好，外脆內嫩，無吸晒啲油。頭抽霸王雞，呢個正，推介。雞正唔在講，少少咁多多肥，夠香。個豉油汁又係好香，配埋葱香同油香，食完雞再攞埋嚟撈飯真係一流。呢個正完「煲仔菜」，原隻熱辣辣砂鍋上，即場’渣’比你睇，果種蝦乾香味，足夠令你即時要秒殺佢。籠仔荷葉飯，上面係蒜蓉蝦，蝦味同蒜蓉味滲晒落個飯度，真係飯仲正過蝦，唯一可惜係荷葉味唔夠出。主角出場，雞湯翅。翅大大梳，但都唔及個雞湯吸引，個雞湯真係頂湯級，好濃，濃得嚟唔會太黏口。成煲同你飲晒佢都仲得。呢度大部份都係心思菜，就算簡單菜色都可以用唔簡單既方法演譯。下次再嚟一定會再試其他特色野。