鐵皇日式鐵板燒 (已結業)

鐵板燒除咗好味之外，更加係師傅一個精心嘅演出，每道菜式都可以話係近距離與食客的交流。手執鐵鏟，一推一鏟已經係一個視覺嘅加分，而今次就去到元朗已有８年歷史嘅鐵皇日式鐵板燒。餐廳為慶賀８週年，所以推出８折優惠。而老闆更加為咗食物質數，樣樣都親力親為。手掌咁大嘅鮮蝦。老闆手藝純熟，三兩下手勢就攪惦咗大蝦。鐵板燒大蝦肉質爽口，而且非常多膏，食落隻蝦好似係個口游來游去。鐵板燒鮮鮑魚鮑魚用料新解，師傅由去殼、切件全都乾脆俐落，最重要師傅加左個秘製醬汁，令鮑魚除了彈牙之外更加惹味。加拿Ａ大級桂花蚌咁大隻桂花蚌真係小見，呎寸足足成隻手掌咁大，而且桂花蚌相當厚身做鐵板燒真係一流，而蚌身肉質嫩滑，加埋秘製醬汁一齊真係多多都食得哂。清酒煮蜆師傅真係用成支清酒去煮，一滴水都無用到非常足料，而且更加多會燒去酒精嘅苦味，每煮蜆更為清甜。安格斯牛肉飯由洋蔥醬汁去到燒牛肉都係即叫即整，最鐘意佢加左個芥末醬汁，令味道更加豐富，每一啖飯都有滿足嘅感覺。