兄弟幫冰室。大排檔 (已搬遷) 新店位置

經過旺角見到有餐廳新開，就入去試一試，鋪頭乾淨企理，餐牌都幾鬼馬，有「多情系列」哈哈！因為唔想食肉，所以我就叫左個芝士茄汁焗野菌飯。呢樣野真係有別於傳統茶餐廳，唔洗個個菜式都係肉肉肉麻。哇！但呢個茄汁焗野菌飯有驚喜喎！估唔到個茄汁超濃，正呀～芝士仲好重本tim~~同行朋友叫左神級蔥油雞肶飯，基於我都係個蔥油怪，忍唔住我都偷食左幾啖，個蔥油撈飯真係無得輸呀！！！下次我都一定會嗌呢個神級蔥油！！！淨係蔥油撈飯都夠殺食！總括，絕對會回頭再食！