影片
招牌菜
今日🐷🐖🐗🐷🐷连同朋友一行5人嚟到呢间告急黄店帮衬帮衬。餐厅虽然细细间，但完全做到一间茶餐厅应有嘅水准😛😛😛。好味得嚟所有野都大大份，非常足料👍🏼👍🏼👍🏼😘。试问呢啲咁抵食既茶记点可以比佢告急嫁？————————————————————— .舔舔脷指数 :🐽🐽🐽🐽🐽🐽🐽🐽8/10抵食指数:🐽🐽🐽🐽🐽🐽🐽🐽🐽9/10 ————————————————————— .照烧鳗鱼拼炸蟹饼饭($50)鳗鱼好大条，食落软淋冇乜骨几好食。另外有块烟肉，但就唔见蟹饼，唔知系冇晒蟹饼转咗烟肉定佢纯粹唔记得比蟹饼，不过食完先记得就算，但见其他人都好似冇蟹饼。其实条鳗鱼都够送饭食，如果多啲鳗鱼汁会更加好。葱油炸鸡髀煎蛋饭($48)超好食❤️。炸鸡髀🍗好好味，脆卜卜，鸡肉🐓好嫩滑。葱油味好香😋，好好送饭。不过就好大份，食唔晒。吉列流心西多士（$37）呢个西多有芝士夹心，其实就冇流心效果。呢个西多外层系几脆，但十分之油，成个西多浸油咁，好油腻，一个人食咗1/4已经食唔落。唔推介。鳗鱼炒蛋西多士（$38）必食推介😍！本身个厚多士望落好白以为佢冇烘底但食落原来有。鳗鱼都有一只手掌✋🏼咁长，炒蛋都有好多。三样野加埋一齐简直系Perfect match。一啖咬落去啲蛋bit晒出嚟，好好食😋。
继续阅读
近期啲新闻真系令人心情唔好，都系衬而家仲有啲自由，更系要餐餐食好西，仲要继续支持黄店铺头啦 一入到铺头，已经俾沙爹牛肉香味吸引，所以一坐低就即点个沙爹牛肉公仔面，再加个炒滑蛋同多士，而啲炒蛋食落超滑而且蛋味劲浓而个主角更不在话下，牛肉量超多，公仔面都整到适合嘅软硬度，超好食。 最紧要嘅系，哩个套餐都系30几蚊咋，而且真系好难系出面揾到咁高水准而价钱唔太贵嘅餐厅，今餐真系物超所值，实在难得。 听讲话哩间店无得续约，而要搬铺，希望大家都多多支持哩间铺头啦，令大家都仲有机会试下哩啲平价民间美食。
继续阅读
呢间野想试好耐…不过兄弟就收得比较早…一系经过时就好多人…咁啱今日afternoon tea时间经过有位就铲入去试下…大大个餐牌系墙度…俾个“神级”葱油系列深深吸引住…就点左个葱油鸡扒捞面…加杯冻柠茶走甜。碟野黎度个样唔错㖞…试下个葱油先…味道其实ok的…不过要去到神级就夸张左既😅😅…(成日俾d keywords迷惑左) 我觉得葱油个个整都差唔多😏😏。 不过鸡扒唔点葱油情况下都觉得几好味…另一样要赞下就系个面黎到时都系好热辣辣…好多地方捞面…个面黐埋一堆。如果无记错…下午茶餐好似30几蚊有交易…呢个价钱真系交足货…有机会试下其他野。
继续阅读
🐻尼排既心情都是灰灰的，今日更加有种绝望感觉 🥺 但我哋都仲要留住条命继续顶落去！所以唔好唔记得食野，餐餐都要食！最紧要继续支持黄店啊喂💛尼间黄店不获续租，6月17日要结业 🥺 好彩佢之后会再系附近开番新铺 😏 大家都要支持佢啊！今次刚好下午茶时间，🐻见好多选择，最后决定order「招牌芝士流心西多士」，男人太饿所以叫是日快餐「照烧鳗鱼拼烟肉饭」🤤推介/ 意见‼️✨ 「招牌芝士流心西多士」无想像中咁流心，不过芝士既咸同西多既甜配合得几好，一食就停唔到口 🤤 重点系隔一排无食，食番就开心到飞起 🥰✨ 「照烧鳗鱼拼烟肉饭」虽然唔系原条鳗鱼，但亦显得佢既珍贵，鳗鱼口感弹牙，照烧汁亦非常夹😱男人竟然话想再叫埋原条鳗鱼食添！值得一试！价钱‼️$35 「招牌芝士流心西多士」连热饮$50 「照烧鳗鱼拼烟肉饭」连热饮
继续阅读
早前Wolipay吹得好行话兄弟帮会执 我觉得非常奇怪 因为呢间火热黄店每到食饭时间必定会大排长龙 而且外卖长叫长有所以知道佢告急已经觉得奇怪仲话会结束营业更加感到可惜有时间即刻冲过黎同兄弟帮大排档道别 过往都系食瑞士套餐 今次一定要试下其他野神级葱油猪扒饭 ($53 + $3 冻饮) 呢个猪扒饭有配上小小沙律菜 猪扒腌得够入味不过略嫌好似落得太多松肉粉 肉质偏向过林味道黎讲是可以的 葱油味道较得适中 唔会太过咸 送饭一流文宣主要都摆系室外室内相对较少文宣一手资料 店员话呢间铺会做到6月中 之后会搬前去登打士街与上海街交界到时记得再黎帮衬呢间黄店啦
继续阅读