有蒸氣 海鮮石鍋專門店 (已結業)

今日再戰有蒸氣，行完奪命斜路去到天文臺道，為食好野係要比啲力先招牌拔絲咕嚕肉，外脆肉軟啖啖肉，最好就係酸酸甜甜恰度岩岩好除左既有嘅海鮮外，今日叫左啲特別野花心蘿蔔釀蝦膠，呢個造型幾特別心型嘅薄切蘿蔔，面頭有蝦膠，再上面加小小黑松露做點綴，蘿蔔略薄，難以食到蘿蔔獨有的甜味，蝦膠夠晒彈牙！而黑松露嘅香氣就帶起左蝦膠嘅鮮味芝士流心蒸肉餅，呢個上枱平平無奇，而且快速蒸的時間都需要10多分鐘 ，就諗究竟呢碟肉餅嘅神奇之處，終於蒸熟，一切開，嘩，啲芝士湧出黎！放入口試下，就係肉餅加芝士嘅味道…呢個新嚐試真係唔係個個接受到…好彩小妹作為一個新潮又走在飲食尖端嘅為食味，尚且接受到，同埋配個白飯好啲生蝦，鮑魚蟶子新鮮唔在講，小妹最最鐘意都係扇貝，大量蒜蓉同辣椒配大大粒肉扇貝，真係夠晒重口味，辣得好開心！再後食埋精華南瓜雞粥，飽晒！