影片
更多
2020-09-04
44 浏览
講起黑門二字, 絕大部分香港人都一定好懷念日本, 困左係香港成年冇得外遊, 唯有對自己更好, 搵多d好野食黎彌補下心靈。今日就由棉登俓既黑門水產為我既生活加一點大大的日本色彩。平日既下午2點多黎到, 剛好午市客人都差唔多全離開, 唔洗等位, 非常好, 因為晚飯時間總係大排長龍! 門外一排排燈籠, 室內木系裝潢, 吊燈籠, 牆上佈置, 帶着十分濃厚既日系色彩, 幻想下自己身在日本, 幾可亂真三文魚刺身4切 $58活鮑魚刺身 $98深海池魚刺身4切 $138刺身肥美又厚切, 活鮑魚鮮味無比, 深海池魚味道清甜, 肉質爽彈, 用料上剩。麻醬沙甸魚乾蕃茄豆腐沙律 $78通常有豆腐既沙律往往食到底部都會有一灘水, 最怕! 依盤沙律底部乾淨, 豆腐滑又特別有豆香, 而面頭既沙甸魚乾咸香惹味, 令到整體味道同口感生色不少, 簡單沙律, 用心製作黑門帆立貝伴魚籽醬 $68帆立貝鮮甜帶黏口, 配上海膽同魚籽醬, 一啖放入口, 感覺奢華😌黑門令大漁魚子醬脆脆包 $78同樣奢華既魚子醬脆脆包, 一樣用上海膽同魚子醬, 再加上三文魚籽同蟹肉, 口感同味道都豐富到不得了, 各種鮮味係口中遊走, 必點。蔥吞拿魚腩
平日既下午2點多黎到, 剛好午市客人都差唔多全離開, 唔洗等位, 非常好, 因為晚飯時間總係大排長龍! 門外一排排燈籠, 室內木系裝潢, 吊燈籠, 牆上佈置, 帶着十分濃厚既日系色彩, 幻想下自己身在日本, 幾可亂真
三文魚刺身4切 $58
活鮑魚刺身 $98
深海池魚刺身4切 $138
刺身肥美又厚切, 活鮑魚鮮味無比, 深海池魚味道清甜, 肉質爽彈, 用料上剩。
麻醬沙甸魚乾蕃茄豆腐沙律 $78
通常有豆腐既沙律往往食到底部都會有一灘水, 最怕! 依盤沙律底部乾淨, 豆腐滑又特別有豆香, 而面頭既沙甸魚乾咸香惹味, 令到整體味道同口感生色不少, 簡單沙律, 用心製作
黑門帆立貝伴魚籽醬 $68
帆立貝鮮甜帶黏口, 配上海膽同魚籽醬, 一啖放入口, 感覺奢華😌
黑門令大漁魚子醬脆脆包 $78
同樣奢華既魚子醬脆脆包, 一樣用上海膽同魚子醬, 再加上三文魚籽同蟹肉, 口感同味道都豐富到不得了, 各種鮮味係口中遊走, 必點。
蔥吞拿魚腩卷 $88
壽司飯經過調味, 小小既卷物塞左滿滿既吞拿魚腩蓉, 吞拿魚味道澎湃, 滿足
黑門水產除左食刺身壽司外, 磯燒亦係佢地既強項, 有專人為你燒, 唔怕自己攪亂檔, 而且真係好有風味!
黑門令龍蝦湯煮海鮮 $88
小鐵鍋盛住蝦, 螺, 魷魚, 日本青椒, 芋絲同埋金菇, 擺盤精緻, 龍蝦湯味道不算突出, 但材料新鮮, 味道當然已加分, 特別一提螺肉非常鮮味!
黑松露白汁燒帆立貝
大大隻帆立貝, 燒到半熟後淋上白汁, 再拌勻黑松露醬, 香味立即飄出, 熱滕滕既貝肉燒得剛剛好, 彈牙又juicy
赤鬼蟹味噌甲羅燒 $78
食磯燒水產點可以少得甲羅燒?! 蟹蓋上有蟹膏, 蟹籽, 三文魚籽, 明太子同埋鵪鶉蛋, 顏色鮮艷賣相極吸引❗燒好後配上梳打餅, 蟹膏鮮味濃厚, 明太子帶來少許辛辣, 三文魚籽帶來咸鮮, 蟹籽帶來卜卜脆口感, 配搭得非常好
奇異果梳打 $58 柚子檸檬梳打 $68
依兩個味道既梳打清新又唔會太甜, 岩我口味, 入面仲有果肉, 加埋薄荷葉入去, 更fresh!
依趟黑門之旅真係好有feel, 係香港同類型而且質素如此高既餐廳真係唔多, 值得一再到訪!
张贴
