漁獲浜燒 (已結業)

之前已經嚟過呢度食晚飯 最鍾意食呢度嘅磯燒海鮮 而且環境都好坐 店員亦服務周到今次嚟到 男朋友就先嗌咗支清酒 甜甜地 酒味純 都幾易入口 另外我哋叫咗隻波士頓龍蝦 店員係幫手斬同燒之前拎咗隻龍蝦畀我哋望一望 隻龍蝦仲好生猛 新鮮野就當然係鮮甜啦 店員幫手起埋殼 啲肉一夾就係 另外仲叫咗北寄貝 同樣火喉燒得啱啱好 飲埋嗰啲海鮮汁簡直係一流 店員會幫手燒好剪好 方便你食都幾細心 最尾仲要咗個柚子雪葩同蕃薯雪葩做甜品 一個酸 一個甜 好啱我口味 美滿嘅一餐