御前大江戶日式料理 (已結業)

今日又同一大班friend出嚟食放題， 食放題食到悶悶哋，想試新嘢 ，呢間餐廳有埋磯燒，所以一於試下佢先！ 蟶子 好鮮味 ， 都幾大隻 ，可惜我哋好似有少少燒過龍，所以“un" 咗啲 ，嘥咗 。所以大家要燒嘅話，小心掌握火候同埋時間，千祈唔好煮得過熟。鮑魚都算大隻 ，好正，好爽口 ，唔夠喉帶子 夠大隻，可惜冇乜鮮味 ，啖啖肉 ，但係唔夠鮮味就爭好遠 ，寧願食多隻鮑魚。食 磯燒海鮮 都食到有啲飽飽哋 ，所以食刺身嘅時候就冇咁雀躍 ，刺身質素還可以， 冇乜驚喜 ，但亦都唔差 。總括嚟講值得一試 ，會再encore！