番本日式放題 (已結業)

星期六去旺角花園街市政大廈逛逛，行過隔離條西洋菜街有間番本放題任食任飲都只係$178元，唔同時段有唔同價錢，學生重有八折優惠。見好抵就入去試試，入面佈置古色古香，有各色各樣唔同品牌嘅飲品係凍櫃入邊，任君選擇；有梅酒同清酒任點，可加熱，另舍好飲。先叫煲日式響螺蟹粥打底，稀稠適中又熱辣辣，好鮮味。 XO醬炒墨魚咀有青、紅椒同洋蔥配料醃得入味，口感覺好爽脆。鰻魚手卷啲紫菜好脆，鰻魚夠新鮮，我食咗足足四份😋紫心香芋丸同日式炸芝士年糕兩樣炸到外皮脆bo bo煙煙靱靭，入面輭輭熟熟，甜度適中👍今餐確係食番夠本👏🏻👏🏻