影片
更多
2024-02-16
119 浏览
老細食鱔日記🪱10 農曆新年又到啦，恭喜發財！ 食鱔老細🪱不嬲都鼓勵我地 Think out of the box，所以佢身先士卒，一反傳統， 新年唔派開工利是，由於佢係廢鐵王老五，佢亦都會好主動咁問員工囉返，有幾位同事就曾經因為俾左20蚊，午飯之後比人照肺。 其實諗到創新既野，大聲話俾周圍嘅人知，係一種美事，但出發點應該與眾同樂，而唔係只為自己。好似呢間來自台灣嘅全港首間台式酸菜魚，就相當破格。 🍖破格1，有自己既故事，竟然成間店都係以漫畫作為 佈置，傳統嘅食物，配合型格的漫畫風。好有新鮮感。 🍖破格2，妹仔大過主人婆，用左唔同嘅湯底，將材料味道迫到極限。總長（相信係漫畫的主角）酸菜魚，似乎係最傳統既食法，但係仍然有1d不同。尤其酸菜部份，食落特別爽口，有脆嘅感覺。同嫩滑既魚肉，一剛一柔，互相輝映。而佢地標榜嘅湯比魚好食就充分表現喺明太子奶香魚度。佢嘅說明係牛奶加芝士湯底，我既解說係奶油味，真係好有台灣風格。結果我真係飲曬成個湯。 🍖破格3，一人情人節，毒L唔再怕節日食唔到二人套餐啦。當然份量細啲亦都表示可以叫多幾款。 🍖破格4，濫用感情，佢既咸酥雞取名浪子，我食完竟然流出一滴眼淚(
農曆新年又到啦，恭喜發財！ 食鱔老細🪱不嬲都鼓勵我地 Think out of the box，所以佢身先士卒，一反傳統， 新年唔派開工利是，由於佢係廢鐵王老五，佢亦都會好主動咁問員工囉返，有幾位同事就曾經因為俾左20蚊，午飯之後比人照肺。
其實諗到創新既野，大聲話俾周圍嘅人知，係一種美事，但出發點應該與眾同樂，而唔係只為自己。好似呢間來自台灣嘅全港首間台式酸菜魚，就相當破格。
🍖破格1，有自己既故事，竟然成間店都係以漫畫作為 佈置，傳統嘅食物，配合型格的漫畫風。好有新鮮感。
🍖破格2，妹仔大過主人婆，用左唔同嘅湯底，將材料味道迫到極限。總長（相信係漫畫的主角）酸菜魚，似乎係最傳統既食法，但係仍然有1d不同。尤其酸菜部份，食落特別爽口，有脆嘅感覺。同嫩滑既魚肉，一剛一柔，互相輝映。而佢地標榜嘅湯比魚好食就充分表現喺明太子奶香魚度。佢嘅說明係牛奶加芝士湯底，我既解說係奶油味，真係好有台灣風格。結果我真係飲曬成個湯。
🍖破格3，一人情人節，毒L唔再怕節日食唔到二人套餐啦。當然份量細啲亦都表示可以叫多幾款。
🍖破格4，濫用感情，佢既咸酥雞取名浪子，我食完竟然流出一滴眼淚(設計畫面)，可能係因為感受到廚師既孤獨感，佢將呢種情感透過墊底既洋蔥傳左比我，我好想講佢聽，I know it bro!
🍖破格5，甜點。我地叫左紅豆仙草同冬瓜布甸，個布甸好味之餘，個賣相有啲似豆腐，不過軟滑同濃郁程度，絕對比豆腐有過之而無不及。
我想請食鱔老細🪱黎呢度，比佢知下咩叫破格，為同事們討回...利是！
张贴
