緣味烤肉店 (已結業)

第一次食熱石日式燒牛肉！星期六夜晚大概七點我哋兩個人係晚市第一枱客人，之後慢慢就坐滿，仲要排隊等位。我哋早嚟所以坐到卡位，非常闊落。燒肉有得揀唔同嘅牛肉部位，餐牌都好貼心解釋每個部位嘅特色。店員哥哥服務好好，經常幫我哋加火。板燒封門柳$128- 封門柳肉質結實，脂肪較少，肉味尚可。個人認為落少少鹽就能提味，唔需要點燒肉汁。我幾鍾意餐廳用牛嘅脂肪來做油嚟燒肉，牛肉香味更加濃郁。我哋燒到一半牛油都冇晒，問店員哥哥攞多啲肥膏嚟燒，非常重油香味！牛肉同飯嘅份量啱啱好，推介！板燒牛板腱(牛肩胛)$138- 牛肩胛肉質就軟滑啲，個人鍾意呢一款多啲。熱石燒烤感覺冇咁熱氣，不過就燒唔出邊皮焦脆嘅口感。套餐有紫菜飯、沙律，同埋一碟牛肉，一個人嘅套餐份量都幾足！