潯 (已結業)

今日黎到石門小店-潯食西餐雖然只係小店但係食物質素有驚喜，今次叫咗個蒜香白酒意粉、單骨雞翼、M6手打和牛漢堡包配薯條🍟。蒜香白酒意粉，蜆肉大大隻，蜆肉同意粉都有白酒味道，而且意粉麵質彈牙。M6手打和牛漢堡包配薯條超大份，M5和牛比想像中厚好多😍，而且漢堡係人手打成，食落有肉汁之餘仲要好有咬口，成個漢堡包有一隻手掌咁高。單骨雞翼係我摯愛的小食，呢度嘅單骨雞翼份量非常多，大約有15隻左右，再配埋 shake shake粉更加滋味，自己一口氣已經食唔停口咁食咗幾隻😂最後仲有甜品叫咗一個雜莓芝士蛋糕🍰整體來講性價比好高啊，小店價錢西餐廳質素，多啲支持小店！