潯

揾石门有咩西餐食，意外揾到呢间 唔知系咪新开呢，之前好似唔多觉有呢间野咁。系openrice订咗位先去，小店只有3 4张枱，不过当晚冇乜人食，得两枱客。餐牌设计唔简陋，都似食紧出面连续西餐厅咁嫁，价钱唔算好小店，唔会话五六十蚊就有，都系平时食开既中等价钱，尚可接受1800-2100送餐汤系南瓜汤睇落颜色好似好淡咁，点知都几浓，几好饮大虾彩椒鲜茄辣汁意粉少少辣，唔系好劲，蕃茄酱亦唔会好酸，成个意粉几浓味虾有三只，几弹牙有虾味烟三文鱼卡邦尼意粉有两至三块烟三文鱼意粉卡邦尼汁算多，但唔算非常浓郁，少许火腿配料叫左个小食黑松露薯条呢个反而意外地好好味黑松露酱味道适中，淡淡黑松露味，唔会太劲薯条好香脆，里面好多薯仔另叫钱餐饮，梳打，味道唔错总结食物份量适中，味道唔错，价钱略高，不过可接受，不过食物选择唔太多…Read More

饮茶无位 黎左呢度点左个汉堡包+ all daybreakfast等餐超时 成半个钟先有得食......个汉堡包块牛扒超多筋 切唔开 咬唔开，又超级咸 ......All day breakfast 炒蛋又系多盐 .............其他配料感觉都系现成，冇乜特别需要料理技巧既食物，但都唔觉得好食两个餐入面系得薯条 同薯饼正常啲，虽然随便拣 但附近一定有其他更好选择..........No next time ......…Read More

2021年5月9日，今日系母亲节但我要返工，放饭嘅时候我同同事去咗另一个同事推介嘅Here we are ，点知就中伏⋯⋯放饭时间得一个钟，我哋等到咁上下发觉唔对路，就转外卖，等到成1点半先出到外卖俾我哋⋯⋯星期日母亲节去食可能系我哋唔啱，因为连个menu都系写brunch，唔应该俾我哋呢啲赶时间嘅人食，唯有转外卖好可怜咁返到公司一路做嘢一路食，点知都系中招⋯⋯我叫黑松露杂菌烩饭，变咗虾籽虾意粉都算，食到最后𠮶只虾仲要系霉嘅🤬真心嬲咗！都系𠮶句，星期日母亲节加上食饭时间少系我唔啱，冇下次…Read More

一日两餐都食佢地系咩玩法？我都唔知呀😂😂😂但真系好食既😋讲紧既系沙田石门间💛Here We Are 浔💛见到佢地出咗个酸菜鱼，超想食呀，咁啱约咗人交收，就顺便订埋酸菜鱼外卖，等夜晚食，佢地个fb cs 超好，有礼貌，知我返屋企会再煮热先食，就话帮我将粉丝另外装开👍🏻👍🏻👍🏻去拎果时，又顺便食埋lunch😂🍲烟三文鱼蒜香忌廉烩饭，呢个真心正$58有汤/沙律，仲包埋饮品，抵到爆，最紧要系好食麻🤤🐷慢煮猪鞍扒配薯条都唔错，个汁唔知系咩汁呢，好好味㖞😋夜晚返到屋企，煮返热个酸菜鱼，同埋我家最爱既墨鱼汁香肠个酸菜鱼真系坚正，好好食，汤又浓郁，啲粉丝索哂啲汤...搅唔掂，我女不停食🤤🤤🤤墨鱼汁香肠就唔洗多介绍啦，话明至爱，梗系好食啦🤣过咗几日，同屋企人一齐又再食过😂，酸菜鱼订咗一个少辣同一个加辣，今次加多个纽伦堡蛇饼肠，屋企人话好好味😋佢地仲坚持紧唔开晚市㗎💪🏻午餐亦只系到3pm，所以去既朋友仔要留意返时间💛酸菜鱼只限外卖，记住要预早少少订#沙田 #石门 #京瑞广场#浔 #HereWeAre#西餐 #酸菜鱼…Read More

难得妈咪今日揾我食饭，带佢去试一间黄店西餐厅🍽 — 「Here We Are浔」。铺头细细间坐满食客，之前试过意粉都正常发挥，今次豪啲叫最贵嘅Lunch Set啦🤣！————————————————👅慢煮美国猪鞍配薯条（$88）👍🏻猪鞍卖相比牛扒靓得多，大大块厚切猪鞍配埋色彩鲜艳嘅配菜，猪鞍火候啱啱好🐷，切开入面仲有啲粉红，厚实肉感唔会鞋，酱汁甜甜地几开胃，建议食猪鞍多过牛扒👍🏻午餐可选是日餐汤/沙律，𠮶日嘅南瓜汤系水汪汪啲🎃不过都有啲南瓜蓉👍🏻包热饮一杯，妈咪赞咖啡同奶茶都够大杯👅半寸厚大西冷牛扒饭（$88）👍🏻两大块牛扒都有牛味，纤维相对粗少少，酱汁可选泰式冬荫功/黑椒蘑菇/蒜香忌廉🧄，蒜香忌廉有惊喜，两者味道配搭和谐，份量同饭量都好足，男仔都够饱————————————————🚩总结：水准正常又份量足嘅小西餐厅———————————————— 🌟注意：外卖自取9折————————————————📍 Here We Are 浔地址：沙田石门安群街3号京瑞广场1期1楼150号舖.…Read More